ରାଉରକେଲା : ହସ୍ପିଟାଲ୍ କର୍ମଚାରୀଙ୍କ ଦୁଇ ଦିନିଆ କ୍ରିକେଟ ମ୍ୟାଚ୍ ଆରମ୍ଭ।। ଉଭୟ ପୁରୁଷ ଏବଂ ମହିଳା ଦଳ ପ୍ରତିଯୋଗିତାରେ ସାମିଲ।

ରାଉରକେଲା:୧୭/୧(ସତ୍ୟାନ୍ୟୁଜ) ପୁଷ୍ପା , ଜୱାନ୍ , ଲଗାନ୍, କେଜିଏଫ୍, ଧୁରନ୍ଧର୍, ଆଦି ସମସ୍ତ ହିଟ୍ ଫିଲ୍ମ ନାଁରେ ଖେଳୁଛନ୍ତି କ୍ରିକେଟ ଟିମ୍। ଏହା ଖେଳକୁ ଆହୁରି ଆକର୍ଷଣୀୟ କରିଛି। ରାଉରକେଲା ସିଭିଲ୍ ଟାଉନଶିପ୍ ପଡିଆ ରେ ଆରମ୍ଭ ହୋଇଥିବା ହସ୍ପିଟାଲ୍ ସମୂହ କ୍ରିକେଟ୍ ପ୍ରତିଯୋଗିତାରେ ସାମିଲ ହୋଇଛନ୍ତି ଏପରି ୧୨ ଟି ହସ୍ପିଟାଲ୍ ର ଟିମ୍। ଏହି ପ୍ରତିଯୋଗିତା ରେ ଉଭୟ ସରକାରୀ ଏବଂ ଘରୋଇ ହସ୍ପିଟାଲ ର କର୍ମଚାରୀ ମାନେ ଯୋଗ ଦେଇଛନ୍ତି। ଉଭୟ ମହିଳା ଏବଂ ପୁରୁଷ ଟିମ୍ ଖେଳରେ ସାମିଲ ହୋଇଥିବା ବେଳେ ରବିବାର ଦିନ ଫାଇନାଲ ଖେଳ ହେବ। ହସ୍ପିଟାଲ୍ ଡ୍ୟୁଟି ରେ ଅନେକ ଚାପ ରହି ଥାଏ। କର୍ମଚାରୀ ଙ୍କୁ କିଛିମାତ୍ରାରେ ଚାପ ମୁକ୍ତ କରିବାକୁ ଜେପି ହସ୍ପିଟାଲ୍ ପକ୍ଷରୁ ଏପରି ପ୍ରତିଯୋଗିତା ର ଆୟୋଜନ କରା ଯାଇଛି।