ସୁନ୍ଦରଗଡ଼ : ଗୁରୁବାର ହିଂସାକାଣ୍ଡ ପରେ ସ୍ବାଭାବିକ ହେଉଛି ସହରର ସ୍ଥିତ।। ୬ ଗିରଫ , କୋର୍ଟ ଚାଲାଣ।। ବିଭିନ୍ନ ସ୍ଥାନରେ ପୋଲିସ ମୁତୟନ।

ସୁନ୍ଦରଗଡ଼:୧୭/୧(ସତ୍ୟାନ୍ୟୁଜ) ସୁନ୍ଦରଗଡ଼ ସହରରେ ଦୁଇ ଦିନ ହେଲା ଲାଗି ରହିଥିବା ଉତ୍ତେଜନା ଧୀରେଧୀରେ କମ ହେବା ପରିଲକ୍ଷିତ ହେଉଛି। ଶୁକ୍ରବାର ସଂଧ୍ୟାରେ ସମସ୍ତ କଟକଣା ହଟିଲା ପରେ ସ୍ବାଭାବିକ ହେବାରେ ଲାଗିଛି ସହର। ଦୋକାନ ବଜାର ଖୋଲା ଗଲାଣି। ସ୍କୁଲ କଲେଜ ଖୋଲିବା ସହ ଗାଡ଼ି ମଟର ଚଳାଚଳ ସ୍ବାଭାବିକ ହୋଇଛି । ଗତ କାଲି ସଂଧ୍ୟାରେ ବି ଏନ୍ ଏସ ୧୬୩ ଧାରା ପ୍ରତ୍ୟାହାର ସହ ଇଣ୍ଟରନେଟ ସେବା ଚାଲୁ କରାଯାଇଥିଲା । ଆଜି ସହରରେ ସାମାନ୍ୟ ରହିଛି ଜୀବନ ଯାତ୍ରା ।
ଅନ୍ୟପକ୍ଷରେ ପୁଲିସ ଗୁରୁବାର ଦିନ ଗଣ୍ଡଗୋଳ କରିଥିବା ଉପଦ୍ରବକାରୀଙ୍କୁ ଚିହ୍ନଟ କରିବା ସହ ଧରପକଡ ଆରମ୍ଭ କରିଛି । ଉଭୟ ପକ୍ଷର ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଟାଉନ୍ ଥାନା ପୋଲିସ। ସହରର ସ୍ଥିତ ସ୍ବାଭାବିକ ଆଡ଼କୁ ଗତି କରୁଥିବା ବେଳେ ବିଭିନ୍ନ ସ୍ଥାନରେ ପୋଲିସ ମୁତୟନ ଅଛନ୍ତି । ସଂପୂର୍ଣ୍ଣ ଭାବେ ସ୍ଥିତି ସ୍ବାଭାବିକ ନହେବା ଯାଏ ସହରରେ ପୁଲିସ ମୁତୟନ ରହିବେ ଏବଂ ପୋଲିସ ପେଟ୍ରୋଲିଂ ମଧ୍ୟ ଜାରି ରହିବ। ହିଂସାକାଣ୍ଡରେ ସଂଶ୍ଳିଷ୍ଟ ଥବା ଅନ୍ୟ ଗଣ୍ଡଗୋଳକାରୀଙ୍କୁ ଧରିବା ପାଇଁ ପ୍ରୟାସ ଜାରି ରହିଥିବା କହିଛନ୍ତି ଏସ ଡି ପି ଓ ନିର୍ମଳ ଚନ୍ଦ୍ର ମହାପାତ୍ର।