ରାଉରକେଲା : ଆଇଜିଏଚ୍ କୁ ଘରୋଇ କରଣ କରାଯିବା ପ୍ରସ୍ତାବକୁ ବିରୋଧ।। ରାଉରକେଲା ଇସ୍ପାତ କାରଖାନା କର୍ମଚାରୀ ସଂଘର ବିକ୍ଷୋଭ।

ରାଉରକେଲା : ୨୨/୧୧
(ସତ୍ୟାନ୍ୟୁଜ) ରାଉରକେଲା ଆଇଜିଏଚ୍ କୁ ଘରୋଇ କରଣ କରିବା ନେଇ ଉଦ୍ୟମ ଚାଲିଥିବା ଅଭିଯୋଗ କରିଛନ୍ତି ବିଭିନ୍ନ ଶ୍ରମିକ ସଂଗଠନ। ରାଉରକେଲା ଶ୍ରମିକ ସଙ୍ଘ , ଗାଙ୍ଗପୁର ମଜଦୂର ମଞ୍ଚ , ସିଟୁ ସଂଗଠନ ପରେ ଏବେ ଆନ୍ଦୋଳନ କୁ ଓହ୍ଲାହିଛି ରାଉରକେଲା ଇସ୍ପାତ କାରଖାନା କର୍ମଚାରୀ ସଙ୍ଘ। ଇସ୍ପାତ ମନ୍ତ୍ରୀ ତାଙ୍କ ରାଉରକେଲା ଗସ୍ତ ଅବସରରେ ଆଇ ଜି ଏଚ୍ କୁ ଘରୋଇ କରଣ କରା ଯିବା ପ୍ରସ୍ତାବ ନାହିଁ ବୋଲି କହି ଥିଲେ। କିନ୍ତୁ ଏହି କଥା କୁ ବିଶ୍ୱାସ କରି ପାରୁ ନାହାଁନ୍ତି ବିଭିନ୍ନ ଶ୍ରମିକ ସଂଗଠନ। ଆସନ୍ତୁ ଶୁଣିବା କଣ କହିଥିଲେ ଇସ୍ପାତ ମନ୍ତ୍ରୀ।

ଅନ୍ୟପକ୍ଷରେ ଶୁକ୍ରବାର ସନ୍ଧ୍ୟାରେ ଭାରତୀୟ ମଜଦୂର ସଭା ସହବନ୍ଧିତ ରାଉରକେଲା ଇସ୍ପାତ କାରଖାନା କର୍ମଚାରୀ ସଙ୍ଘ ପକ୍ଷରୁ ଆଇଜିଏଚ୍ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଏହି ବିକ୍ଷୋଭ ରେ ବିଜେପି ର ରଘୁନାଥ ପାଲି ବିଧାୟକ ଦୁର୍ଗାଚରଣ ତନ୍ତୀ ମଧ୍ୟ ଯୋଗ ଦେଇଥିଲେ। ରାଉରକେଲା ଇସ୍ପାତ ଜେନରାଲ ହସ୍ପିଟାଲ୍ କୁ ଘରୋଇ କରଣ କରିବାକୁ ଦିଆଯିବ ନାହିଁ ବୋଲି ଉଭୟ ଶ୍ରମିକ ସଂଗଠନ ଏବଂ ବିଧାୟକ କହିଛନ୍ତି ।