ରାଉରକେଲା : ୨୧/୧୧
(ସତ୍ୟାନ୍ୟୁଜ) ସହରରେ ଏକ ପେଟ୍ରୋଲ ପମ୍ପ ସହ ଅନ୍ୟ ଏକ ବ୍ୟବସାୟ ପ୍ରତିଷ୍ଠାନରେ ଡକାୟତି କରିବା ଯୋଜନାକୁ ପଣ୍ଡ କରି ଦେଇଛି ପ୍ଲାଣ୍ଟ ସାଇଟ୍ ଥାନା ପୋଲିସ୍। ଗତକାଲି ବିଳମ୍ବିତ ରାତିରେ କେତେ ଜଣ ପେଶାଦାର ଦୁର୍ବୃତ୍ତ ବିର୍ସା ମୁଣ୍ଡା ଷ୍ଟାଡିୟମ୍ ନିକଟରେ ସନ୍ଦେହ ଜନକ ଭାବେ ଏକତ୍ର ହୋଇ ଥିବା ପୋଲିସ ଖବର ପାଇଥିଲା। ପ୍ଲାଣ୍ଟ ସାଇଟ୍ ଥାନା ର ଏକ ଟିମ୍ ତୁରନ୍ତ ଷ୍ଟାଡିୟମ୍ ର ଗେଟ୍ ନମ୍ୱର୍ ୨ ନିକଟରେ ଏହି ଗ୍ୟାଙ୍ଗ ଉପରେ ଚଢ଼ାଉ କରିଥିଲେ। ପୋଲିସ ଉକ୍ତ ସ୍ଥାନରୁ ୫ ଜଣ ଦୁବୃର୍ତ୍ତ ଙ୍କୁ ଗିରଫ କରିବା ସହ ସେମାନଙ୍କ ଠାରୁ ବିଭିନ୍ନ ମାରଣାସ୍ତ୍ର ଜବତ କରିଛନ୍ତି। ଜବତ୍ ମାରଣାସ୍ତ୍ର ମଧ୍ୟରେ ଗୋଟିଏ ପିସ୍ତଲ୍, ୩ ଟି ଖଣ୍ଡା , ଗୋଟିଏ ଭୁଜାଲି ଏବଂ ଡକାୟତି ପାଇଁ ବ୍ୟବହୃତ ହେବାକୁ ଥିବା ଅନ୍ୟ ସାମଗ୍ରୀ ରହିଛି। ଗିରଫ ଦୁବୃର୍ତ୍ତ ନାଁ ରେ ସହର ର ୫ଟି ଥାନାରେ ବହୁ ମାମଲା ରହିଛି। ଗିରଫ ଦୁବୃର୍ତ୍ତ ଙ୍କୁ କୋର୍ଟ ଚାଲାଣ କରାଯାଇଛି।