ରାଉରକେଲା : ଅଖଣ୍ଡ ଭାରତ , ମଜବୁତ୍ ଭାରତ ର ବାର୍ତ୍ତା ନେଇ ଆୟୋଜିତ ହେଲା ଏକତା ପଦଯାତ୍ରା।। ସାମିଲ ହେଲେ ସବୁ ବର୍ଗର ଲୋକେ।

ରାଉରକେଲା : ୨୧/୧୧
(ସତ୍ୟାନ୍ୟୁଜ) ଦେଶର ଏକତା ଏବଂ ଅଖଣ୍ଡତା କୁ ବଜାୟ ରଖିବା ସମସ୍ତ ନାଗରିକଙ୍କ କର୍ତ୍ତବ୍ୟ। ଏହି ବାର୍ତ୍ତା କୁ ଲୋକଙ୍କ ପାଖରେ ପହଞ୍ଚାଇବାକୁ କ୍ରୀଡା ଏବଂ ଯୁବ ବ୍ୟାପାର ବିଭାଗ ପକ୍ଷରୁ ରାଉରକେଲାରେ ଆଜି ଏକତା ପଦଯାତ୍ରା ର ଆୟୋଜନ କରା ଯାଇ ଥିଲା । ଏହି ପଦଯାତ୍ରା ଆମ୍ବାଗାନ୍ ଅଟଳ ବିହାରି ବାଜପେୟୀ ପାର୍କ ନିକଟରୁ ବାହାରି ବିର୍ସା ମୁଣ୍ଡା ଆଥଲେଟିକ୍ ଷ୍ଟାଡିୟମ୍ ନିକଟରେ ପହଞ୍ଚି ଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାଏ ଯୋଗ ଦେଇ ଥିଲେ। ସ୍କୁଲ ଛାତ୍ରଛାତ୍ରୀ , କ୍ରୀଡାବିତ୍ , ସାଧାରଣ ଲୋକ ମାନେ ଏହି ପଦଯାତ୍ରାରେ ଯୋଗ ଦେଇ ଥିଲେ। ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ୧୫୦ ତମ ଜନ୍ମ ବାର୍ଷିକୀ ଉପଲକ୍ଷେ ଏହି ପଦଯାତ୍ରା ର ଆୟୋଜନ କରାଯାଇଛି। ଲୋକଙ୍କ ପାଖରେ ସର୍ଦ୍ଦାର ପଟେଲଙ୍କ ଦେଶଭକ୍ତିର ଅଖଣ୍ଡ ଭାରତ ବାର୍ତ୍ତା ପହଞ୍ଚାଇବାକୁ ଏହି କାର୍ଯ୍ୟକ୍ରମର ଉଦ୍ଦେଶ୍ୟ ବୋଲି ଡିଆଇଜି କହିଛନ୍ତି।