ରାଉରକେଲା: ହାତୀ ଆକ୍ରମଣରେ ଲାଠିକଟା ବ୍ଲକ୍ ରେ ଆଜି ଆଉ ଜଣଙ୍କ ମୃତ୍ୟୁ।। ଏହି ଅଞ୍ଚଳରେ ତିନି ମାସ ମଧ୍ୟରେ ତିନି ଜଣଙ୍କ ମୃତ୍ୟୁ।

ରାଉରକେଲା: ୧୬/୧୧
(ସତ୍ୟାନ୍ୟୁଜ) ରାଉରକେଲା ବନଖଣ୍ଡ ଲାଠିକଟା ବ୍ଲକ ରେ ଆଜି ସକାଳେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇ ଯାଇଛି। ମୃତକ ହେଲେ ଏରେଗେଡା ଗାଁ ର ମାଙ୍ଗରା କୁଜୁର। ଆଜି ର ଘଟଣାକୁ ମିଶାଇ ଗତ ତିନି ମାସ ମଧ୍ୟରେ ଲାଠିକଟା ବ୍ଲକ ରେ ହାତୀ ଆକ୍ରମଣରେ ୩ ଜଣଙ୍କ ମୃତ୍ୟୁ ଘଟିଲାଣି। ଏହି ଅଞ୍ଚଳରେ ଦୁଇଟି ଦନ୍ତା ହାତୀ ଗତ କିଛି ଦିନ ହେଲା ଉପଦ୍ରବ ଚଳାଇ ଆସୁଛନ୍ତି। କେତେବେଳେ ମଣିଷ ଉପରେ ଆକ୍ରମଣ କରୁଛନ୍ତି ତ ଆଉ କେତେ ବେଳେ ନିଜ ନିଜ ମଧ୍ୟରେ ଲଢେ଼ଇ ଜାରି ରଖିଛନ୍ତି। ଆଜି ସକାଳ ଘଟଣା ପରେ ଦନ୍ତା ପୁଣି ଗାଁ ମଧ୍ୟ କୁ ପସିବାକୁ ଉଦ୍ୟମ କରୁଛନ୍ତି। ବନ ବିଭାଗ କର୍ମଚାରୀ ମାନେ ଲଙ୍କା ଧୂଆଁ ଦେଇ ହାତୀକୁ ଘଉଡ଼ାଇବାକୁ ଉଦ୍ୟମ କରୁଛନ୍ତି। ହାତୀ ସମସ୍ୟାର ସ୍ଥାୟୀ ସମାଧାନ ପାଇଁ ସ୍ଥାନୀୟ।ଲୋକେ ଦାବି କରିଛନ୍ତି।