ବିରମିତ୍ରପୁର: ପି ଏମ୍ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ରୋବୋଟିକ୍ସ ଲ୍ୟାବ ଉଦ୍ଘାଟିତ।। ଏ ଆଇ ଶିକ୍ଷାର ସୁଯୋଗ ପାଇବେ ଛାତ୍ର ଛାତ୍ରୀ।
ବିରମିତ୍ରପୁର ପିଏମ୍ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ରୋବୋଟିକ୍ସ ଲ୍ୟାବ୍ ଉଦ୍ଘାଟିତ
ବିରମିତ୍ରପୁର: ୩/୯
(ସତ୍ୟାନ୍ୟୁଜ) ବିଜ୍ଞାନ ଓ ଆଧୁନିକ ଜ୍ଞାନକୌଶଳ ଶିକ୍ଷା କ୍ଷେତ୍ରରେ ଆଉ ଏକ ପାଦ ଆଗକୁ ବଢ଼ିଛି ବିରମିତ୍ରପୁରର ପିଏମ୍ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ।
ବିଦ୍ୟାଳୟରେ ନୂତନ ରୋବୋଟିକ୍ସ ଲ୍ୟାବ୍ର ଶୁଭାରମ୍ଭ କରାଯାଇଛି। ଏହି ଲ୍ୟାବ୍ ମାଧ୍ୟମରେ ଛାତ୍ରୀମାନେ ରୋବୋଟ୍ ନିର୍ମାଣ ସହିତ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବା ଏଆଇ ଟେକ୍ନୋଲୋଜି ସମ୍ପର୍କରେ ଜ୍ଞାନ ଆହରଣ କରିବାର ସୁଯୋଗ ପାଇବେ।
ତେବେ ଆସନ୍ତୁ ଦେଖିବା, ଏହି ନୂତନ ପଦକ୍ଷେପ ଛାତ୍ରୀମାନଙ୍କ ପାଇଁ କିଭଳି ନୂଆ ସୁଯୋଗ ସୃଷ୍ଟି କରିବ।
ବିରମିତ୍ରପୁରସ୍ଥିତ ପିଏମ୍ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ରୋବୋଟିକ୍ସ ଲ୍ୟାବ୍ର ଶୁଭାରମ୍ଭ ହୋଇଛି।
ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବାଣୀ ମୁଣ୍ଡା ଦୀପ ପ୍ରଜ୍ୱଳନ କରି ଏହି ଅତ୍ୟାଧୁନିକ ଲ୍ୟାବ୍ର ଉଦ୍ଘାଟନ କରିଥିଲେ।
ଏହି ଅବସରରେ ପ୍ରଧାନ ଶିକ୍ଷୟିତ୍ରୀ ସୁଜାତା ଦାସ, ଅଭିଷେକ ତିୱାରୀ, ସୁଦର୍ଶନ ବଡ଼ାଇକ ଏବଂ ଡାଲଫିନା ସୋରେଙ୍ଗଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
ଉଦ୍ଘାଟନୀ ଅବସରରେ ବାଣୀ ମୁଣ୍ଡା କହିଥିଲେ ଯେ, ଏହି ରୋବୋଟିକ୍ସ ଲ୍ୟାବ୍ ମାଧ୍ୟମରେ ଛାତ୍ରୀମାନେ ରୋବୋଟ୍ ନିର୍ମାଣ ଏବଂ ଏଆଇ ଟେକ୍ନୋଲୋଜି ସମ୍ପର୍କରେ ଜ୍ଞାନ ହାସଲ କରିପାରିବେ।
ସେହିପରି ସୁଜାତା ଦାସ କହିଥିଲେ ଯେ, ଛାତ୍ରୀମାନଙ୍କୁ ନିୟମିତ ଭାବେ ରୋବୋଟିକ୍ସ ପାଠ ପଢ଼ାଯିବ। ଏହି ନୂତନ ପାଠ୍ୟକ୍ରମ ଦ୍ୱାରା ଛାତ୍ରୀମାନେ ରୋବୋଟ୍ କିପରି ନିର୍ମାଣ କରାଯାଏ ଏବଂ ଏହା କିଭଳି କାର୍ଯ୍ୟ କରେ, ସେ ସମ୍ପର୍କରେ ବ୍ୟବହାରିକ ଜ୍ଞାନ ହାସଲ କରିପାରିବେ।
ବିଦ୍ୟାଳୟରେ ଏଭଳି ଆଧୁନିକ ଶିକ୍ଷା ବ୍ୟବସ୍ଥା ଉପଲବ୍ଧ କରାଇଥିବାରୁ ସରକାରଙ୍କ ପ୍ରତି କୃତଜ୍ଞତା ଜଣାଯାଇଥିଲା।
କାର୍ଯ୍ୟକ୍ରମ ଶେଷରେ ଶିକ୍ଷକ ଶ୍ରୀକାନ୍ତ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ।
ଏହି ଅବସରରେ ଅନ୍ୟ ବିଦ୍ୟାଳୟର ଛାତ୍ରଛାତ୍ରୀମାନେ ମଧ୍ୟ ରୋବୋଟିକ୍ସ ଲ୍ୟାବ୍ ପରିଦର୍ଶନ କରିଥିଲେ। ସେମାନେ ଏହି ନୂତନ ଜ୍ଞାନକୌଶଳ ଓ ଲ୍ୟାବ୍ର କାର୍ଯ୍ୟପ୍ରଣାଳୀ ସମ୍ପର୍କରେ ଅବଗତ ହୋଇଥିଲେ।
ବର୍ତ୍ତମାନ ସମୟରେ ରୋବୋଟିକ୍ସ ଓ କୃତ୍ରିମ ବୁଦ୍ଧିମତ୍ତାର ଗୁରୁତ୍ୱ ବଢ଼ୁଥିବା ବେଳେ, ବିଦ୍ୟାଳୟ ସ୍ତରରୁ ଏଭଳି ଶିକ୍ଷା ପ୍ରଦାନ ଛାତ୍ରୀମାନଙ୍କ ମଧ୍ୟରେ ବୈଷୟିକ ଜ୍ଞାନ, ସୃଜନଶୀଳତା ଏବଂ ନୂତନ ଉଦ୍ଭାବନ ପ୍ରତି ଆଗ୍ରହ ବଢ଼ାଇବାରେ ସହାୟକ ହେବ।