ମୋଟର ଚାଳକଙ୍କୁ କରୋନା ଯୋଦ୍ଧା ଘୋଷଣା କରିବାକୁ ଦାବି।। ରାଜ୍ୟ ମୋଟର ଚାଳକ ସଂଘର ସପ୍ତମ ଅଧିବେଶନ ରାଉରକେଲା ରେ ହେବ।

ଓଡିଶା ରାଜ୍ୟ ମୋଟର ଚାଳକ ସଂଘର ରାଜ୍ୟ ସ୍ତରୀୟ ଦୁଇ ଦିନିଆ ଅଧିବେଶନ ଆସନ୍ତା ନଭେମ୍ବର ୧୩ ଏବଂ ୧୪ ତାରିଖରେ ରାଉରକେଲା ରେ ଅନୁଷ୍ଠିତ ହେବ । ରାଉରକେଲା ଅମର ଭବନରେ ରାଜ୍ୟ ମୋଟର ଚାଳକ ସଙ୍ଘ ର ଏହି ସପ୍ତମ ଅଧିବେଶନ ରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବାର ପ୍ରସ୍ତାବ ରହିଛି ।

ମୁଖ୍ୟତଃ ଗାଡି ଚାଳକ ମାନଙ୍କ ସାମାଜିକ ସୁରକ୍ଷା ଲାଗି ଏକ କଲ୍ୟାଣ ଯୋଜନା କରିବାକୁ ରାଜ୍ୟ ସରକାରଙ୍କ ନିକଟରେ ଦାବି କରାଯିବ । ଏହା ସହ ଏକ ମୋଟର ଚାଳକ କଲ୍ୟାଣ ପାଣ୍ଠି ମଧ୍ୟ ଗଠନ କରିବାକୁ ମଧ୍ୟ ପ୍ରସ୍ତାବ ଦିଆଯିବ । ଗାଡି ଡ୍ରାଇଭର ମାନଙ୍କୁ କରୋନା ଯୋଦ୍ଧା ଭାବେ ଘୋଷଣା କରାଯିବାକୁ ଦାବି କରାଯିବ । ରାଉରକେଲା ରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ମୋଟର ଚାଳକ ସଂଘର ସାଧାରଣ ସମ୍ପାଦକ ପ୍ରଭାକର ମଲ୍ଲିକ ଏହି ସୂଚନା ଦେଇଛନ୍ତି ।