ରାଉରକେଲା ରେ ଆଜି ଏକ୍ସ ଏଲ ପେଟ୍ରୋଲ ଦର ୧୧୫ ପାର ଏବଂ ଡିଜେଲ ୧୦୮ ଉପରେ।।ସାଧାରଣ ପେଟ୍ରୋଲ ଦର ୧୧୧ ଟଙ୍କା ୪୨ ପଇସା ।

ରବିବାର ଦିନ ପେଟ୍ରୋଲ , ଡିଜେଲ ମୂଲ୍ୟ ରେ ପୁଣି ବୃଦ୍ଧି ଘଟିଛି । ଲଗାତାର ପାଞ୍ଚ ଦିନ ହେଲା ପେଟ୍ରୋଲ ଡିଜେଲ ର ଦରବୃଦ୍ଧି ଜାରି ରହିଛି । ଅନ୍ତର୍ଜାତୀୟ ବଜ଼ାର ରେ ଅଶୋଧିତ ତୈଳ ଦର ବୃଦ୍ଧି ଯୋଗୁ ଦେଶରେ ଏପ୍ରକାର ଦରଵୃଦ୍ଧି ହେଉଥିବାର କୁହାଯାଉଛି । ତେବେ ପେଟ୍ରୋଲ , ଡିଜେଲ ର ଲଗାତାର ଦରବୃଦ୍ଧି ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି କରିଛି

। ରାଉରକେଲା ଇସ୍ପାତ ସହରରେ ଆଜି ଏକ୍ସଟ୍ରା ପ୍ରିମୀୟମ ପେଟ୍ରୋଲ ଦର ୧୧୫ ଟଙ୍କା ୬୨ ପଇସା ଥିବା ବେଳେ ନର୍ମାଲ ପେଟ୍ରୋଲ ଦର ୧୧୧ ଟଙ୍କା ୪୨ ପଇସା ରହିଛି । ସେହିପରି ଡିଜେଲ ଦର ୧୦୮ ଟଙ୍କା ୭ ପଇସା ରହିଛି । ଗତ ୨୬ ତାରିଖ ଦିନ ପେଟ୍ରୋଲ ଲିଟର ପିଛା ୧୦୯ ଟଙ୍କା ୬୫ ପଇସା ଥିବାବେଳେ ଆଜି ୧୧୧ଟଙ୍କା ୪୨ ପଇସା ରହିଛି । ସେହିଦିନ ଡିଜେଲ ଦର ଲିଟର ପିଛା ୧୦୬ ଟଙ୍କା ୧୫ ପଇସା ଥିବା ବେଳେ ଆଜି ୧୦୮ ଟଙ୍କା ୭ ପଇସା ରହିଛି । ସେହିପରି ଏକ୍ସଟ୍ରା ପ୍ରିମୀୟମ ପେଟ୍ରୋଲ ୧୧୩ ତାଙ୍କ ୮୫ ପଇସା ଥିବାବେଳେ ଆଜି ୧୧୫ ଟଙ୍କା ୬୨ ପଇସା ରହିଛି । ତୈଳ ଜାତୀୟ ଦ୍ରବ୍ୟର ଏ ପ୍ରକାର ମୂଲ୍ୟ ବୃଦ୍ଧି ସବୁ ଶ୍ରେଣୀର ଲୋକ ମାନଙ୍କୁ ବାଧୁଥିବା ବେଳେ ବିଭିନ୍ନ ରାଜନୈତିକ ଦଳ ମଧ୍ୟ ଚିନ୍ତାବ୍ୟକ୍ତ କରିଛନ୍ତି । ପୂର୍ବରୁ କଂଗ୍ରେସ ଦଳ ତୈଳ ବୃଦ୍ଧି ବିରୁଦ୍ଧରେ ଆରମ୍ଭ କରିଥିବା ଆନ୍ଦୋଳନ ଜାରି ରଖିଥିବା ବେଳେ ଆଜି ବିଜୁ ଜନତା ଦଳ ମଧ୍ୟ ପେଟ୍ରୋଲ , ଡିଜେଲ ଦର ବୃଦ୍ଧି ର ପ୍ରତିବାଦ କରି ଆନ୍ଦୋଳନ ଆରମ୍ଭ କରିଛି । ତୈଳଦର ବୃଦ୍ଧି ଲଗାତାର ଭାବେ ଜାରି ରହିଥିବାରୁ ଅନ୍ୟାନ୍ୟ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ର ମଧ୍ୟ ଦରବୃଦ୍ଧି ଘଟୁଛି ।