କୋଏଲ ନଦୀରେ ବୁଡି ୧୪ ବର୍ଷୀୟ ଛାତ୍ର ନିଖୋଜ।।ଫାୟାର ବ୍ରିଗେଡ଼ ଟିମ ର ଉଦ୍ଧାର କାର୍ଯ୍ୟ ଜାରି ।

ରାଉରକେଲା : (୩୧/୧୦) ନଦୀରେ ସାଙ୍ଗ ମାନଙ୍କ ସହ ଗାଧୋଉଥିବା ବେଳେ ଜଣେ ୧୪ ବର୍ଷୀୟ ଅଷ୍ଟମ ଶ୍ରେଣୀର ଛାତ୍ର ପାଣିରେ ବୁଡି ନିଖୋଜ ଅଛନ୍ତି । ପୋଲିସ ଏବଂ ଫାୟାର ବ୍ରିଗେଡ଼ ଟିମ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

ନିଖୋଜ ଥିବା ଛାତ୍ର ବିବେକ ସିଂ ରାଉରକେଲା ର ଛଅ ନମ୍ବର ସେକ୍ଟରରେ ରହୁଥିବା ବେଳେ ପାଞ୍ଚ ନମ୍ବର ସେକ୍ଟରର ଏକ ଘରୋଇ ସ୍କୁଲ ରେ ପଢୁଥିଲେ । ଆଜି ସକାଳେ ବିବେକ ୬ ଜଣ ସାଙ୍ଗଙ୍କ ସହ ହମିରପୁର ସ୍ଥିତ କୋଏଲ ନଦୀରେ ଗାଧୋଉଥିବା ବେଳେ ବୁଡିଯାଇଥିଲେ । ଅନ୍ୟ ସାଙ୍ଗମାନେ ପାଟି କରିବାରୁ ସ୍ଥାନୀୟ ଲୋକମାନେ ପହଞ୍ଚି ବୁଡି ଯାଇଥିବା ବିବେକ କୁ ଉଦ୍ଧାର କରିବାକୁ ଉଦ୍ୟମ କରିଥିଲେ । ଉଦ୍ଧାର କରିବାରେ ବିଫଳ ହେବାରୁ ଫାୟାର ବ୍ରିଗେଡ଼ ଟିମ କୁ ଖବର ଦିଆଯାଇଥିଲା । ପାଣିରେ ବୁଡି ଯାଇଥିବା ବିବେକ କୁ ଉଦ୍ଧାର କରିବାକୁ ସବୁ ପ୍ରକାର ଉଦ୍ୟମ ଚାଲିଛି ।