ମୁମ୍ବାଇ କ୍ରୁସ ଡ୍ରଗ୍ସ ମାମଲା ରେ ଗିରଫ ମନୀଷ ରାଜ୍ ଗରିଆ ରାଉରକେଲା ପହଁଚିଲେ।।ନିଜକୁ ନିର୍ଦୋଷ ବୋଲି କହିଲେ ।

ମୁମ୍ବାଇ କ୍ରୁସ ଡ୍ରଗ୍ସ ମାମଲାରେ ଗିରଫ ହୋଇଥିବା ରାଉରକେଲା ର ମନୀଷ ରାଜଗରିଆ ଜାମିନ ରେ ଆସିବା ପରେ ନିଜକୁ ନିର୍ଦୋଷ ବୋଲି କହିଛନ୍ତି । ଆଜି ରାଉରକେଲାରେ ପହଁଚିବା ପରେ ତାଙ୍କର ସିଭିଲ ଟାଉନଶିପ ସ୍ଥିତ ବାସଭବନରେ ମିଡିଆ ସମ୍ମୁଖରେ ଉଭୟ ମନୀଷ ଏବଂ ତାଙ୍କ ପିତା ଉଦୟ ରାଜ୍ ଗରିଆ ନିଜ ପ୍ରତିକ୍ରିୟା ରଖିଛନ୍ତି

। ମନୀଷ କହିଛନ୍ତି ଯେ ରାଉରକେଲା ରୁ ଅକ୍ଟୋବର ୧ ତାରିଖରେ ସାତଜଣ ସାଙ୍ଗ ମୁମ୍ବାଇ ରେ କ୍ରୁସ ବୁଲିବାକୁ ଯାଇଥିଲେ । ଅକ୍ଟୋବର ଦୁଇ ତାରିଖରେ କ୍ରୁସ ଥିବା ବେଳେ
ଏନ ସି ବି ରେଡ଼ କରିଥିଲେ ଏବଂ ଡ୍ରଗ୍ସ ମାମଲାରେ ଆର୍ଯ୍ୟନ ଖାନ ଙ୍କ ସମେତ ୧୪ ଜଣଙ୍କୁ ଅଟକ ରଖିଥିଲେ । କ୍ରୁସ ର ଅବ୍ୟବସ୍ଥା ନେଇ ସେଠାକାର ସୁରକ୍ଷା ଅଧିକାରୀଙ୍କ ସହ ତାଙ୍କର ଯୁକ୍ତିତର୍କ ହେବାରୁ ରାଗରେ ତାଙ୍କୁ ଫସାଇ ଦିଆଗଲା ବୋଲି ମନୀଷ କହିଛନ୍ତି ।ସେମାନଙ୍କ ନିକଟରୁ କୌଣସି ଡ୍ରଗ୍ସ ଜବତ ହୋଇନଥିଲା ବୋଲି ସେ କହିଛନ୍ତି । ମନୀଷ ଙ୍କ ପିତା ମଧ୍ୟ ନିଜ ପ୍ରତିକ୍ରିୟାରେ ତାଙ୍କ ପୁଅ ନିର୍ଦୋଷ ବୋଲି କହିଛନ୍ତି ।