ଆର ଜି ଏଚ ରେ ପାଥୋଲୋଜିକଲ ଟେଷ୍ଟ ରେ ଅବ୍ୟବସ୍ଥା ଅଭିଯୋଗ ହସପିଟାଲ ନିର୍ଦେଶକଙ୍କୁ ଭେଟିଲେ କଂଗ୍ରେସ କର୍ମକର୍ତ୍ତା ।

ରୋଗ ର ଚିକିତ୍ସା ଲାଗି ପ୍ରଥମ ସୋପାନ ହେଲା ରୋଗ ନିରୂପଣ ।ରୋଗ ନିରୂପଣ ଲାଗି ବିଭିନ୍ନ ପରୀକ୍ଷା ଯଥା ରକ୍ତ ର ପାଥୋଲୋଜିକାଲ ଟେଷ୍ଟ ନିହାତି ଆବଶ୍ୟକ । ଏବେ ରାଜ୍ୟ ସରକାର ସ୍ୱାସ୍ଥ୍ୟ ସେବାର ଉନ୍ନତିକରଣ ଲାଗି ବହୁ ପଦକ୍ଷେପ ନେଉଛନ୍ତି

। ଏଥିଲାଗି ବିଭିନ୍ନ ସରକାରୀ ଡାକ୍ତରଖାନାରେ ଆଉଟ ସୋର୍ସିଙ୍ଗ ରେ ପାଥୋଲୋଜିକାଲ ଟେଷ୍ଟ ର ବ୍ୟବସ୍ଥା କରାଯାଇଛି । ମାତ୍ର ରାଉରକେଲା ସରକାରୀ ହସପିଟାଲ ରେ ଥିବା ପାଥୋଲୋଜି ସେଣ୍ଟର ରେ ବ୍ୟାପକ ଅବ୍ୟବସ୍ଥା ଦେଖାଦେଇଛି । ଗତ ତିନିବର୍ଷ ହେଲା ଯେଉଁ ବାହାର ରାଜ୍ୟର ସଂସ୍ଥା କୁ କଣ୍ଟ୍ରାକ୍ଟ ଦିଆ ଯାଇଛି ତାର ନିଜସ୍ୱ ଲାବ୍ରଟୋରୀ ନାହିଁ । ତେଣୁ ଏହି ସଂସ୍ଥା ରକ୍ତ ନମୁନା ସଂଗ୍ରହ କରି ବାହାରକୁ ଟେଷ୍ଟ ଲାଗି ପଠାଇଥାଏ । ଫଳରେ ରିପୋର୍ଟ ଆସିବାରେ ବିଳମ୍ବ ହୋଇଥାଏ ଏବଂ ରୋଗି ସେବା ଏବଂ ଚିକିତ୍ସା ପ୍ରଭାବିତ ହୋଇଥାଏ । ଏପରି ଅଭିଯୋଗ ଆଣିଛି ରାଉରକେଲା କଂଗ୍ରେସ। ସଠିକ ଭାବେ ପାଥୋଲୋଜି ସେଣ୍ଟର ଚଳାଇବା ଦାବିରେ କଂଗ୍ରେସ ସଭାପତି ଜର୍ଜ ତିର୍କୀ ଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳ ରାଉରକେଲା ସରକାରୀ ଡାକ୍ତରଖାନା ଡ଼ାଇରେକ୍ଟର ଙ୍କୁ ଭେଟିଥିଲେ । ପାଥୋଲୋଜି ଟେଷ୍ଟ ବାହାରେ କରିବା ଦ୍ୱାରା ରୋଗୀସେବାରେ ବିଳମ୍ବ ହେଉଥିବା ଅର ଜି ଏଚ ନିର୍ଦେଶକ କହିଥିବା ବେଳେ ଆଉଟ ସୋର୍ସିଙ୍ଗ ରାଜ୍ୟ ସରକାରଙ୍କ ନିଷ୍ପତ୍ତି ବୋଲି କହିଥିଲେ । ସରକାର ଏବେ ରୋଗୀ ସେବାକୁ ଗୁରୁତ୍ୱ ଦେଉଥିବାରୁ ପାଥୋଲୋଜିକଲ ଟେଷ୍ଟ ସଠିକ ଭାବେ କରିବାକୁ ସାଧାରଣରେ ଦାବି ହେଉଛି ।