ଗିରଫ ହେବେ ଚିଲିକା ବିଧାୟକ ପ୍ରଶାନ୍ତ ଜଗଦେବ।। ହତ୍ୟା ଉଦ୍ୟମ ଅଭିଯୋଗରେ ଗିରଫ ହେବେ।। ଉତ୍ତେଜନା ଥିବାରୁ ବାଣପୁର ଟାଉନରେ ୧୪୪ ଧାରା ଜାରୀ।
ଗିରଫ ହେବେ ଚିଲିକା ବିଧାୟକ ପ୍ରଶାନ୍ତ ଜଗଦେବ। ହତ୍ୟା ଉଦ୍ୟମ , ପୋଲିସ କାର୍ଯ୍ୟରେ ବାଧା ସୃଷ୍ଟି କରିବା ଆଦି ଅଭିଯୋଗ ଆଧାରରେ ଗିରଫ ହେବେ ବିଧାୟକ। ଏବେ ଚିଲିକା ବିଧାୟକ ହସପିଟାଲ ରେ ଚିକିତ୍ସାଧୀନ ଥିବା ବେଳେ ପୋଲିସ ହେଫଜତ ରେ ଅଛନ୍ତି। ହସପିଟାଲ ରୁ ଡିସଚାର୍ଜ ହେବାପରେ ସେ ଗିରଫ ହେବେ।

ସୂଚନାଯୋଗ୍ୟ ଯେ ଶନିବାର ପୂର୍ବାହ୍ନ ରେ ବିଧାୟକ ପ୍ରଶାନ୍ତ ଜଗଦେବ ନିଜେ ଗାଡି ଚଳାଇ ବାଣପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ଯାଉଥିବା ବେଳେ ଭିଡ଼ ଥିବାରୁ ପୋଲିସ ତାଙ୍କୁ ବାରଣ କରିଥିଲେ। ମାତ୍ର ସେ ପୋଲିସ ନିର୍ଦ୍ଧେଶ କୁ ନମାନି ଗାଡି ଚଢାଇ ଦେବାରୁ ୭ ଜଣ ପୋଲିସଙ୍କ ସମେତ ୨୨ ଜଣ ଆହତ ହୋଇଥିଲେ। ଏହାପରେ ଉତ୍ତେଜିତ ଲୋକମାନେ ବିଧାୟକଙ୍କୁ ନିସ୍ତୁକ ମାଡ ମାରିବା ସହ ତାଙ୍କ ଗାଡି ଭାଙ୍ଗିଦେଇଥିଲେ। ପରେ ପୋଲିସ ବିଧାୟକ ଏବଂ ଲୋକ ମାନଙ୍କୁ ହସପିଟାଲ ପଠାଇଥିଲେ। ଏହି ଘଟଣାପରେ ସେଠାରେ ଉତ୍ତେଜନା ଥିବାରୁ ବାଣପୁର ଟାଉନ ରେ ପ୍ରଶାସନ ପକ୍ଷରୁ ୧୪୪ ଧାରା ଜାରି କରାଯାଇଛି। କୌଣସି ପ୍ରକାର ଅପ୍ରତିକର ପରିସ୍ଥିତି କୁ ଏଡାଇବାକୁ ଏହି କଟକଣା ଲଗାଯାଇଛି। ଅନ୍ୟପକ୍ଷରେ ବିଜେପି , କଂଗ୍ରେସ ସମେତ ବିଭିନ୍ନ ରାଜନୈତିକ ଦଳ ବିଧାୟକ ଜଗଦେବ ଙ୍କ ଏହି କାରନାମା କୁ ଘୋର ନିନ୍ଦା କରିବା ସହ ତାଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।