ବିଧାୟକ ଗାଡି ଚଢାଇ ଦେବାରୁ ୭ ଜଣ ପୋଲିସ ଙ୍କ ସମେତ ୨୨ ଆହତ।। ଲୋକଙ୍କ ମାଡରେ ବିଜେଡି ବିଧାୟକ ପ୍ରଶାନ୍ତ କୁମାର ଜଗଦେବ ଗୁରୁତର।

ଲୋକମାନଙ୍କ ମାଡରେ ବିଧାୟକ ଗୁରୁତର ଆହତ। ଗାଡି ଉପରୁ ନିୟନ୍ତ୍ରଣ ହରାଇ ଲୋକଙ୍କ ଉପରେ ଗାଡି ଚଢାଇଦେବାରୁ ଉତ୍ୟକ୍ତ ଲୋକମାନଙ୍କ ଆକ୍ରମଣରେ ଚିଲିକା ବିଧାୟକ ପ୍ରଶାନ୍ତ କୁମାର ଜଗଦେବ ଗୁରୁତର ଆହତ ହୋଇଛନ୍ତି।

ଅପର ପକ୍ଷରେ ବିଜେଡି ବିଧାୟକଙ୍କ ଗାଡି ଚଢିଯିବାରୁ ୭ ଜଣ ପୋଲିସ କର୍ମଚାରୀଙ୍କ ସମେତ ୨୨ ଜଣ ସାଧାରଣ ଲୋକ ଆହତ ହୋଇଛନ୍ତି। ଗୁରୁତର ଆହତ ବିଧାୟକ ଏବଂ କେତେକ ପୋଲିସ କର୍ମଚାରୀଙ୍କୁ ଚିକିତ୍ସା ଲାଗି ଭୁବନେଶ୍ୱର ପଠାଯାଇଛି। ପଞ୍ଚାୟତ ସମିତି ଅଧ୍ୟକ୍ଷ ନିର୍ବାଚନ ଲାଗି ଯାଉଥିବା ବେଳେ ବାଣପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ଏହି ଦୁର୍ଘଟଣା ଘଟିଛ।ତଦନ୍ତ ଚାଲିଛି ଏବଂ ଏହି ଘଟଣାରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଖୋର୍ଦ୍ଧା ଏସପି କହିଛନ୍ତି। ବାଣପୁର ଆଇ ଆଇ ସି ଙ୍କୁ ମଧ୍ୟ ଚିକିତ୍ସା ଲାଗି ଭୁବନେଶ୍ୱର ରେଫର କରାଯାଇଛି। ଘଟଣା ସ୍ଥଳରେ ଉତ୍ତେଜନା ଥିବାରୁ ବରିଷ୍ଠ ପୋଲିସ ଅଧିକାରୀଙ୍କ ସମେତ ବ୍ୟାପକ ଫୋର୍ସ ମୁତୟନ କରାଯାଇଛି। ଏହି ଘଟଣାକୁ ନେଇ ଉଭୟ ବିଜେପି ଏବଂ କଂଗ୍ରେସ ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ କରାଯାଇଛି। ମଦ ପିଇ ବିଧାୟକ ପ୍ରଶାନ୍ତ ଜଗଦେବ ଗାଡି ଚଳାଉଥିବା ବିଜେପି ନେତା ପୃଥ୍ଵୀରାଜ ହରିଚନ୍ଦନ ଅଭିଯୋଗ କରିଥିବା ବେଳେ କଂଗ୍ରେସ ଏହି ଘଟଣାକୁ ଉତ୍ତରପ୍ରଦେଶ ଖେରି ଘଟଣା ସହ ତୁଳନା କରିଛି।