ପୋୖର ନିର୍ବାଚନ ଲାଗି ବିଜେପିର ପ୍ରଚାର ଅଭିଯାନ ଆରମ୍ଭ।। ଯୋଗଦେଲେ ସାଂସଦ ଜୁଏଲ ଓରାମ ଏବଂ ବିଧାୟକ ଶଙ୍କର ଓରାମ।

ସୁନ୍ଦରଗଡ ଜିଲ୍ଲାରେ ଗତ ପଞ୍ଚାୟତ ନିର୍ବାଚନରେ ଭାରତୀୟ ଜନତା ପାର୍ଟି ର ପ୍ରଦର୍ଶନ ନୈରାଶ୍ୟଜନକ ଥିବା ବେଳେ ଏବେ ଦଳ ପୋୖର ନିର୍ବାଚନ ଲାଗି ଅଣ୍ଟା ଭିଡ଼ିଛି। ଆସନ୍ତା ୨୪ ତାରିଖରେ ରାଜ୍ୟରେ ପୋୖର ନିର୍ବାଚନ ହେବାକୁ ଯାଉଛି

। ସୁନ୍ଦରଗଡ ଜିଲ୍ଲାରେ ରାଉରକେଲା ମହାନଗର ନିଗମ କୁ ବାଦ ଦେଲେ ଅନ୍ୟ ତିନୋଟି ପୌର ପରିଷଦ ବିରମିତ୍ରପୁର , ରାଜଗାଙ୍ଗପୁର , ସୁନ୍ଦରଗଡରେ ନିର୍ବାଚନ ହେବ। ଏଥିଲାଗି ରବିବାର ଦିନ ବିଜେପି ବିରମିତ୍ରପୁର ପୋୖର ପରିଷଦ ରୁ ନିର୍ବାଚନ ପ୍ରଚାର ଆରମ୍ଭ କରିଛି। ଏହି ପରିପ୍ରେକ୍ଷୀରେ ବିରମିତ୍ରପୁର ରେ ଆୟୋଜିତ ଏକ କର୍ମୀ ସମ୍ମିଳନୀରେ ଜିଲ୍ଲାର ବରିଷ୍ଠ ନେତୃ ବୃନ୍ଦ ଯୋଗଦେଇ କର୍ମୀ ଏବଂ ପ୍ରାର୍ଥୀ ମାନଙ୍କୁ ଉତ୍ସାହିତ କରିଥିଲେ। ଚଳିତ ପୋୖର ନିର୍ବାଚନରେ ବିରମିତ୍ରପୁର ରେ ପୌରପାଳଙ୍କ ସମେତ ବିଜେପି ର ସମସ୍ତ କାଉନସିଲର ବିଜୟ ଲାଭ କରିବେ ବୋଲି ବିଜେପି ପକ୍ଷରୁ କୁହାଯାଇଛି। ଏହି କର୍ମୀ ସମ୍ମିଳନୀରେ ସୁନ୍ଦରଗଡ ସାଂସଦ ଜୁଏଲ ଓରାମ , ବିଧାୟକ ଶଙ୍କର ଓରାମ ଙ୍କ ସମେତ ବହୁ ବିଜେପି ନେତା ଉପସ୍ଥିତ ଥିଲେ ।