୩୦ ଟି ଗ୍ରାମର ଲୋକମାନଙ୍କ ନିଦ ହଜାଇ ଦେଇଛି ଗୋଠଛଡା ଦନ୍ତା।।ବଣାଇ ଏବଂ କୁଳିପୋଷ ଫରେଷ୍ଟ ରେଞ୍ଜରେ ଦନ୍ତାର ଆତଙ୍କ ଜାରି।।

ସୁନ୍ଦରଗଡ଼ ଜିଲ୍ଲା ବଣାଇ ଅଞ୍ଚଳ ରେ ରେ ଦୀର୍ଘ ୮ ଦିନ ହେଲା ଏକ ଗୋଠଛଡା ଦନ୍ତାହାତୀ ଆତଙ୍କ ଚଳାଇ ଆସୁଛି। ବନବିଭାଗ କର୍ମଚାରୀ ଏବଂ ଗ୍ରାମବାସୀ ଦନ୍ତା ଟିକୁ ଘଞ୍ଚ ଜଙ୍ଗଲକୁ ଯେତେ ଘଉଡାଇବାକୁ ଉଦ୍ୟମ କଲେ ମଧ୍ୟ ସଫଳ ହେଉନାହାନ୍ତି।

ଦନ୍ତାହାତୀ ଟି ଦିନରେ ନିକଟସ୍ଥ ଜଙ୍ଗଲରେ ରହିଯାଉଥିବା ବେଳେ ରାତିରେ ଗାଁ ରେ ପଶି ଫସଲ ନଷ୍ଟ କରିବା ସହ ଘରଦ୍ଵାର ଭାଙ୍ଗି ଦେଉଛି। ଏହି ଗୋଠଛଡ଼ା ଦନ୍ତା ହାତୀଟି ବଣେଇ ଏବଂ କୁଳିପୋଷ ଫରେଷ୍ଟ ରେଞ୍ଜ ର ୩୦ ଗ୍ରାମର ଲୋକମାନଙ୍କ ନିଦ ହଜାଇ ଦେଇଛି। ରାତିରେ ବନବିଭାଗ କର୍ମଚାରୀ ଏବଂ ଗ୍ରାମବାସୀ ମାନେ ନିଆଁହୁଳା ଧରି ଏବଂ ବାଣ ଫୁଟାଇ ଦନ୍ତାହାତୀ ଟିକୁ ଘଞ୍ଚ ଜଙ୍ଗଲକୁ ଘଉଡାଇବା ଉଦ୍ୟମ ଜାରି ରଖିଛନ୍ତି ।