ରାଉରକେଲା : ସର୍ଭିସ୍ ରାଇଫଲ୍ ରୁ ଗୁଳି ଚଳାଇ ସି ଆର୍ ପି ଏଫ୍ ହାବିଲଦାର ଙ୍କ ଆତ୍ମହତ୍ୟା।। ପୋଲିସ୍ ତଦନ୍ତ ଜାରି

ରାଉରକେଲା:୯/୨(ସତ୍ୟାନ୍ୟୁଜ) ରାଉରକେଲା ଲାଠିକଟା ଥାନା ଅନ୍ତର୍ଗତ ମଟକନଝରନ ସିଆରପିଏଫ୍ କ୍ୟାମ୍ପ ରେ ଆଜି ସକାଳେ ଜଣେ ସି ଆର୍ ପି ଏଫ୍
ହାବିଲଦାର ଆତ୍ମହତ୍ୟା କରିଥିବା ଜଣା ପଡ଼ିଛି। ନିଜ ସର୍ଭିସ୍ ରାଇଫଲ୍ ରୁ ଗୁଳି କରି ନିଜ ଜୀବନ ହରିଛନ୍ତି ୫୬ ବର୍ଷୀୟ ହାବିଲଦାର ସୁଭାଷ ପ୍ରସାଦ । ମୃତକ ସୁଭାଷ ପ୍ରସାଦ ଉତ୍ତର ପ୍ରଦେଶ ବାସିନ୍ଦା। କେଉଁ କାରଣରୁ ସେ ଆତ୍ମହତ୍ୟା କରିଛନ୍ତି ତା ସ୍ପଷ୍ଟ ହୋଇ ନଥିଲେ ମଧ୍ୟ ପାରିବାରିକ କାରଣରୁ ଏହି ଚରମ ପଦକ୍ଷେପ ନେଇଥିବା ଜଣା ପଡ଼ିଛି। ଲାଠିକଟା ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି। ଗତ ଅକ୍ଟୋବର ମାସରେ ଓଡ଼ିଶା – ଝାଡ଼ଖଣ୍ଡ ସୀମାନ୍ତରେ ଏହି କ୍ୟାମ୍ପ ପ୍ରତିଷ୍ଠା କରା ଯାଇଥିଲା। ସୀମାନ୍ତରେ ମାଓବାଦୀ ଗତିବିଧି ବୃଦ୍ଧି ପାଇଥିବାରୁ ଏହାକୁ ପ୍ରତିହତ କରିବାକୁ କ୍ୟାମ୍ପ ପ୍ରତିଷ୍ଠା କରାଯାଇଥିଲା। କ୍ୟାମ୍ପ କୁ ପଶ୍ଚିମାଞ୍ଚଳ ଡିଆଇଜି ବ୍ରିଜେଶ ରାଏ ଉଦ୍ଘାଟନ କରିଥିବା ବେଳେ ରାଉରକେଲା ଏସପି ନୀତେଶ
ୱାଧୱାନି ମଧ୍ୟ ଉପସ୍ଥିତ ଥିଲେ। ସ୍ଥାନୀୟ ଲୋକଙ୍କ ସୁବିଧା ପାଇଁ ସେତେବେଳେ ସେଠାରେ ସ୍ବାସ୍ଥ୍ୟ ଶିବିର ର ଆୟୋଜନ କରା ଯାଇଥିବା ବେଳେ ସ୍କୁଲ ପିଲାଙ୍କ ପାଇଁ ପାଠ୍ୟ ପୁସ୍ତକ ବଣ୍ଟନ କରା ଯାଇଥିଲା।