ରାଉରକେଲା : ୩ ବ୍ୟାଙ୍କ୍ କର୍ମଚାରୀ ଙ୍କ ସହ ୪ ଗିରଫ। ରାଉରକେଲା ରେ ୧୨ ଶହ ମୂଲ୍ ଆକାଉଣ୍ଟ ଜରିଆରେ ବେଆଇନ୍ ଅର୍ଥ କାରବାର ଅଭିଯୋଗ।।

ରାଉରକେଲା : ୩୦/୧୧
(ସତ୍ୟାନ୍ୟୁଜ) ଆପଣ ଜାଣି ନଥିବେ। କିନ୍ତୁ ଆପଣଙ୍କ ନାଁ ରେ ବ୍ୟାଙ୍କ୍ ଆକାଉଣ୍ଟ ଖୋଲାଯାଇ ବେଆଇନ୍ ଅର୍ଥ କାରବାର ହେଉ ଥିବ। ଏପରି କାମ ବ୍ୟାଙ୍କ୍ କର୍ମଚାରୀଙ୍କ ବିନା ସହାୟତାରେ ହୋଇ ପାରିବ ନାହିଁ। ରାଉରକେଲା ପୋଲିସ୍ ଏପରି ଏକ ସାଇବର୍ ଠକ୍ ଗ୍ୟାଙ୍ଗ ର ଚାରି ଜଣ ସଦସ୍ୟଙ୍କୁ ଗିରଫ କରିବାରେ ସଫଳ ହୋଇଛି। ଗିରଫ ଙ୍କ ମଧ୍ୟରେ ୩ ଜଣ ବ୍ୟାଙ୍କ୍ କର୍ମଚାରୀ ଅଛନ୍ତି। ଜଣେ
କୋଟାକ୍ ମହେନ୍ଦ୍ରା ବ୍ୟାଙ୍କ୍ କର୍ମଚାରୀ ହୋଇ ଥିବା ବେଳେ ଅନ୍ୟ ଦୁଇ ଜଣ ଇଣ୍ଡଶ୍ ଇଣ୍ଡ ବ୍ୟାଙ୍କ୍ କର୍ମଚାରୀ। ତେବେ ଇଣ୍ଡଶ୍ ବ୍ୟାଙ୍କ୍ କର୍ମଚାରୀ ପ୍ରିୟଭଞ୍ଜନ ନାୟକ ଏବେ ମହିନ୍ଦ୍ରା ଫାଇନାନ୍ସ ରେ କାର୍ଯ୍ୟରତ ଥିଲେ। ଅନ୍ୟ ଦୁଇ ଗିରଫ ବ୍ୟାଙ୍କ୍ କର୍ମଚାରୀ ହେଲେ ଶିବ ଶଙ୍କର ପଟନାୟକ ଏବଂ ଶିତାଂଶୁ କୁମାର ସ୍ବାଇଁ। ଅଜୟ କୁମାର ସା ନାମକ ଯୁବକ ଏହି ବ୍ୟାଙ୍କ୍ ଆକାଉଣ୍ଟ ଖୋଲିବାକୁ ଅର୍ଥ ଦେଉଥିଲେ। ଆକାଉଣ୍ଟ ଖୋଲିବା ପରେ ରାଉରକେଲାରୁ ବିଭିନ୍ନ ରାଜ୍ୟକୁ ଆକାଉଣ୍ଟ ଟ୍ରାଂସଫର୍ କରା ଯାଇ ବେଆଇନ୍ ଅର୍ଥ କାରବାର ହେଉଥିଲା। ପ୍ରତି ଆକାଉଣ୍ଟ କୁ ୮ ରୁ ୧୦ ହଜାର ଟଙ୍କାରେ ବିକ୍ରି କରି ଦିଆ ଯାଉଥିଲା। ରାଉରକେଲାରେ ଏପରି ପ୍ରାୟ ୧୨ ଶହ ଆକାଉଣ୍ଟ ଅଛି। ନେସନାଲ କ୍ରାଇମ୍ ରେକର୍ଡ ବୁରୋ ଏ ବାବଦରେ ସୂଚନା ଦେବା ପରେ ରାଉରକେଲା ପୋଲିସ ଏସପି ଙ୍କ ନିର୍ଦ୍ଦେଶ ରେ ତଦନ୍ତ ଆରମ୍ଭ ହୋଇଛି। ଏହି ସ୍କାମ୍ ରେ ବ ଅର୍ଥ କାରବାର ହୋଇଛି ପୋଲିସ୍ ତାର ତଦନ୍ତ କରୁଛି।