ରାଉରକେଲା : ୮ ଟି ଚୋରା ବାଇକ୍ ଉଦ୍ଧାର କଲେ ରଘୁନାଥପାଲି ଥାନା ପୋଲିସ୍ । ଜଣେ ଗିରଫ। ସହରର ବିଭିନ୍ନ ଥାନା ଏରିଆ କରିଥିଲା ଚୋରି।

ରାଉରକେଲା : ୨୯/୧୧
(ସତ୍ୟାନ୍ୟୁଜ) ରାଉରକେଲା ରଘୁନାଥପାଲି ଥାନା ପୋଲିସ୍ ୮ ଟି ଚୋରା ମଟର ସାଇକେଲ ଜବତ କରିବା ସହ ଜଣେ ପେଶାଦାର ବାଇକ୍ ଲିଫ୍ଟର୍ କୁ ଗିରଫ କରିଛନ୍ତି। ଅକ୍ଟୋବର ୨ ତାରିଖ ରାତିରେ ଦେଓଗାଁ ଅଞ୍ଚଳରୁ ଏକ ବୁଲେଟ୍ ମଟର ସାଇକେଲ ଚୋରି ହୋଇ ଯାଇଥିଲା। ଗାଡ଼ି ର ମାଲିକ ଚୋରି ବାବଦରେ ଥାନାରେ ରିପୋର୍ଟ କରିଥିଲେ। ରଘୁନାଥପାଲି ଥାନା ପୋଲିସ୍ ତଦନ୍ତ କରି ଉକ୍ତ ଦେଓଗାଁ ରାମ ବସ୍ତି ଅଞ୍ଚଳରେ ରହୁଥିବା ରୋଶନ ମୁଣ୍ଡା ନାମକ ଜଣେ ଯୁବକଙ୍କୁ ଗିରଫ କରିଥିଲେ। ଗିରଫ ଯୁବକ ନିକଟରୁ ସୁଭାଷ ଙ୍କ ଚୋରି ହୋଇଥିବା ବୁଲେଟ୍ ଉଦ୍ଧାର ପରେ ପୋଲିସ୍ ତଦନ୍ତ ଜାରୀ ରଖିଥିଲେ। ଅଧିକ ପଚରା ଉଚୁରା ପରେ ରୋଶନ୍ ଆଉ ୭ ଟି ମଟର ସାଇକେଲ ଚୋରି ଥିବା ସ୍ବୀକାର କରିଥିଲା। ପୋଲିସ ସମସ୍ତ ଚୋରି ହୋଇଥିବା ଗାଡ଼ି ଗୁଡ଼ିକ ଉଦ୍ଧାର କରିଛନ୍ତି। ଏହି ସବୁ ବାଇକ୍ ରଘୁନାଥପାଲି , ପ୍ଲାଣ୍ଟ ସାଇଟ୍ , ଉଦିତ ନଗର ଏବଂ ଅନ୍ୟ କେତେକ ଥାନା ଅଞ୍ଚଳରୁ ଚୋରି ହୋଇଥିଲା। ପୋଲିସ ଅଭିଯୁକ୍ତ ରୋଶନ୍ ମୁଣ୍ଡାଙ୍କୁ କୋର୍ଟ ଚାଲାଣ କରିଛି।