ରାଉରକେଲା : ପୋଲିସ୍ – ଡକାୟତ ଗୁଳି ବିନିମୟ ରେ ୩ ଡକାୟତ ଆହତ।। ୩ ପିସ୍ତଲ୍, ସ୍କ୍ରପିଓ ଗାଡ଼ି , ୨ ବାଇକ୍ ଜବତ।

ରାଉରକେଲା : ୨୩/୧୧
(ସତ୍ୟାନ୍ୟୁଜ) ରାଉରକେଲା ପୋଲିସ୍ ଜିଲ୍ଲାର ବଣାଇ , ଲହୁଣୀ ପଡା, କୋଇଡା ଥାନା ଅଞ୍ଚଳରେ ଆତଙ୍କ ସୃଷ୍ଟି କରିଥିବା ଡକାୟତ ଦଳର ୩ ଜଣ ସଦସ୍ୟ ପୋଲିସ୍ ଗୁଳି ରେ ଆହତ ହୋଇଛନ୍ତି। ଝାଡ଼ଖଣ୍ଡ ଅଞ୍ଚଳର ରୁ ଆସିଥିବା ଏହି ଗ୍ୟାଙ୍ଗ ରେ ସମୁଦାୟ ୮ ଜଣ ସଦସ୍ୟ ଥିବା ଜଣା ପଡ଼ି ଥିଲା। ଦୁବୃର୍ତ୍ତ ମାନେ ଡ଼କାୟତିରେ ୪ ଟି ବାଇକ୍ , ଗୋଟିଏ ସ୍କ୍ରୋପିଓ ଗାଡ଼ି ବ୍ୟବହାର କରୁଥିଲେ। ହାତରେ
ପିସ୍ତଲ୍ ଧରି ଏହି ମୁଖା ପିନ୍ଧା ଡକାୟତ ଦଳ ଘରେ , ଟ୍ରାନ୍ସପୋର୍ଟ ଅଫିସ୍ ରେ ଲୁଟ୍ କରୁଥିଲେ। ଗତକାଲି ରାତିରେ ପୋଲିସ୍ ଖବର ପାଇ ଡକାୟତ ଙ୍କୁ ଗୋଡାଇଥିଲେ। କେ ବଲଙ୍ଗ ଥାନା ଏବଂ ଚାନ୍ଦିପୋଷ ଥାନା ଅଞ୍ଚଳରେ ପୋଲିସ୍ – ଡକାୟତ ଗୁଳି ବିନିମୟ ହୋଇଥିଲା। ଏନକାଉଣ୍ଟର ରେ ୩ ଡକାୟତ ଆହତ ହୋଇଥିବା ବେଳେ ପୋଲିସ୍ ସେମାନଙ୍କ ନିକଟରୁ ୩ ଟି ପିସ୍ତଲ୍, ଗୁଳି , ଗୋଟିଏ ସ୍କର୍ପିଓ ଗାଡ଼ି , ୨ ଟି ବାଇକ୍ ଜବତ କରିଛନ୍ତି। ଫେରାର ଡକାୟତ ଙ୍କୁ ଧରିବାକୁ ବିଭିନ୍ନ ସ୍ଥାନରେ ପୋଲିସ ଚଢ଼ାଉ କରୁଛି।