ରାଉରକେଲା : ବଣାଇ ଉପଖଣ୍ଡ ରେ ପୁଣି ସଶସ୍ତ୍ର ଡକାୟତି।। ବନ୍ଧୁକ ମୁନରେ କୋଇଡା ରେ ୩ ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ।

ରାଉରକେଲା:୨୦/୧୧
(ସତ୍ୟାନ୍ୟୁଜ) ବଣାଇ ଉପଖଣ୍ଡ ରେ ପୁଣି ସଶସ୍ତ୍ର ଡକାୟତି। ଏଥର ମଧ୍ୟ ଟାର୍ଗେଟ ରେ ଟ୍ରାନ୍ସପୋର୍ଟ ଅଫିସ୍ । ଗତକାଲି ବିଳମ୍ବିତ ରାତିରେ ବଣାଇ ଉପଖଣ୍ଡ କୋଇଡା ଥାନା ଅଞ୍ଚଳରେ ବନ୍ଧୁକ ମୁନରେ ୩ ଲକ୍ଷ ଟଙ୍କା ଡକାୟତ ମାନେ ଲୁଟି ନେଇଛନ୍ତି। ରାତି ପ୍ରାୟ ୧୨ଟା ବେଳେ କୋଇଡା ଛକ ନିକଟରେ ଥିବା ଏକ ଟ୍ରାନ୍ସପୋର୍ଟ ଅଫିସ ରେ ୫/୬ ଜଣ ମୁଖା ପିନ୍ଧା ଦୁବୃର୍ତ୍ତ ହାତରେ ପିସ୍ତଲ୍ ଏବଂ ଅନ୍ୟ ମାରଣାସ୍ତ୍ର ଧରି ପସି ଥିଲେ। କାର୍ଯ୍ୟଳୟ ରେ ଥିବା କର୍ମଚାରୀଙ୍କୁ ଭୟଭୀତ କରାଇ ଟଙ୍କା ଲୁଟି ନେଇଥିଲେ। ପୋଲିସ ସନ୍ଧାନୀ କୁକୁର ଏବଂ ସାଇଣ୍ଟଫିକ୍ ଟିମ୍ ସହ ପହଞ୍ଚି ତଦନ୍ତ କରୁଛନ୍ତି। କିଛି ଦିନ ପୂର୍ବରୁ ଲହୁଣୀପଡ଼ା ଥାନା ଅଞ୍ଚଳ ରେ ସମାନ ଧରଣର ଡ଼କାୟତି ହୋଇ ଥିଲା। ଗତ କିଛି ଦିନ ହେଲା ବଣାଇ, ଲହୁଣୀ ପଡା, କୋଇଡା , ବରସୁଆଁ ଆଦି ଅଞ୍ଚଳରେ ଘନଘନ ଡକାୟତି ହେଉଥିବାରୁ ଲୋକଙ୍କ ମନରେ ଆତଙ୍କ ଦେଖା ଦେଇଛି।