ରାଉରକେଲା : ୩୦ ହଜାର କୋଟି ର ଆରଏସପି ସମ୍ପ୍ରସାରଣ କାମ ଅଗ୍ରଗତିର ସମୀକ୍ଷା କଲେ ଇସ୍ପାତ ମନ୍ତ୍ରୀ।। ଆଇଜିଏଚ୍ ଘରୋଇ କରଣ ହେବ ନାହିଁ।

ରାଉରକେଲା : ୧୯/୧୧
(ସତ୍ୟାନ୍ୟୁଜ) ୩୦ ହଜାର କୋଟି ଟଙ୍କାର ରାଉରକେଲା ଇସ୍ପାତ କାରଖାନା ସମ୍ପ୍ରସାରଣ ପ୍ରକଳ୍ପର ତ୍ଵରାନିତ ହେବା ନେଇ ଆଶା ସୃଷ୍ଟି ହୋଇଛି। କେନ୍ଦ୍ର ଇସ୍ପାତ ମନ୍ତ୍ରୀ
ଏଚ ଡି କୁମାରସ୍ବାମୀ ତାଙ୍କର ଦୁଇଦିନିଆ ରାଉରକେଲା ଗସ୍ତ ଶେଷ କରି ଆଜି ଭୁବନେଶ୍ୱର ଯାଇଛନ୍ତି। ଭୁବନେଶ୍ଵର ରେ
ଆରଏସପି ସମ୍ପ୍ରସାରଣ ବାବଦରେ ମୁଖ୍ୟମନ୍ତ୍ରୀ ଙ୍କ ସଙ୍ଗେ ଆଲୋଚନା କରିବେ। ଗତକାଲି ଇସ୍ପାତ ମନ୍ତ୍ରୀ ଆରଏସପି ର ଭାରପ୍ରାପ୍ତ ନିର୍ଦ୍ଦେଶକ ଏବଂ ଉଚ୍ଚ ଅଧିକାରୀଙ୍କ ସହ ସମ୍ପ୍ରସାରଣ ବାବଦରେ ଆଲୋଚନା କରିଥିଲେ। ଇସ୍ପାତ ମନ୍ତ୍ରୀ ଷ୍ଟିଲ୍ ମେଲ୍ଟିଂ ଶପ୍ ୨ ର ଅତ୍ୟାଧୁନିକ କାଷ୍ଟର୍ – ୪ ର ଉଦଘାଟନ କରିଥିଲେ। ରାଉରକେଲା ଏରୋଡ୍ରମ୍ କୁ ପୂର୍ଣ୍ଣାଙ୍ଗ ଏଆରପୋର୍ଟ ରେ ପରିଣତ କରିବା ପ୍ରକ୍ରିୟା ଖୁବ୍ ଶୀଘ୍ର ସରିବ ବୋଲି ମନ୍ତ୍ରୀ କହିଥିଲେ। ଏହା ସହ
ଆଇଜିଏଚ୍ ର ଘରୋଇ କରଣ ହେବା ନେଇ କୌଣସି ପ୍ରସ୍ତାବ ନଥିବା ଇସ୍ପାତ ମନ୍ତ୍ରୀ ଯିବା ପୂର୍ବରୁ ସାମ୍ବାଦିକ ସମ୍ମିଳନୀରେ କହିଛନ୍ତି।