ସୁନ୍ଦରଗଡ଼ : ଟ୍ରେଲର ମାଡ଼ି ଯାଇଓଏସଆରଟିସି ଜିଲ୍ଲା ଅଧିକାରୀଙ୍କ ମୃତ୍ୟୁ।। ୧୦ ନମ୍ୱର୍ ରାଜ୍ୟ ରାଜପଥରେ ଘଟିଛି ଦୁର୍ଘଟଣା।

ସୁନ୍ଦରଗଡ଼ : ୧୯/୧୧(ସତ୍ୟାନ୍ୟୁଜ) ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ର ସୁନ୍ଦରଗଡ଼ ଜିଲ୍ଲା ପରିଚାଳନା ଅଧିକାରୀ ଅମରେଶ ମହାନ୍ତି ଙ୍କ ମୃତ୍ୟୁ ହୋଇ ଯାଇଛି। ଆଜି ସକାଳେ ଘଟିଛି ଏହି ଦୁଃଖଦ ଦୁର୍ଘଟଣା। ସୁନ୍ଦରଗଡ଼ ସଦର ଥାନା ଫଗୁଆପଡ଼ା ନିକଟରେ ରାସ୍ତା ପାରି ହେଉଥିବା ବେଳେ ରାଉରକେଲା ପଟରୁ ଦୃତ ଗତିରେ ଆସୁଥିବା ଏକ ଟ୍ରେଲର ପିଟି ଦେବା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇ ଯାଇଛି । ଶ୍ରୀ ମହାନ୍ତି ଲକ୍ଷ୍ମୀ ବସ୍ ସହ ବିଭିନ୍ନ ସରକାରୀ ଗାଡ଼ି ଯାଞ୍ଚ କରିବା ସମୟରେ ଏହି ଦୁର୍ଘଟଣା ହୋଇଥିଲା । ରାସ୍ତା ପାର ହେଉଥିବା ବେଳେ ରାଉରକେଲା ପଟୁ ଆସୁଥିବା ଟ୍ରେଲର ତାଙ୍କ ଉପରେ ମାଡ଼ି ଯାଇଥିଲା। ସଡ଼କ ମରାମତି କାର୍ଯ୍ୟ ଯୋଗୁଁ ୧୦ ନମ୍ବର ରାଜ୍ୟ ରାଜପଥ ର ବାମ ପଟ ରାସ୍ତା କୁ ବନ୍ଦ କରି ଡାହାଣ ପଟ ରାସ୍ତା ରେ ସମସ୍ତ ଗାଡ଼ି ଯିବା ଆସିବା କରୁଛି । ସେ ରାଉରକେଲା ରୁ ସୁନ୍ଦରଗଡ଼ ପଟକୁ ଆସୁଥିବା ରାସ୍ତା ରେ ଓହ୍ଲାଇ ଆର ପଟକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।