ରାଉରକେଲା : ଆଇଜିଏଚ ଘରୋଇ କରଣ ଉଦ୍ୟମ କୁ ତୀବ୍ର ବିରୋଧ।। ରାଉରକେଲା ଶ୍ରମିକ ସଙ୍ଘ ଏବଂ ଗାଙ୍ଗପୁର ମଜଦୂର ମଞ୍ଚର ବିକ୍ଷୋଭ ପ୍ରଦର୍ଶନ।

ରାଉରକେଲା : ୧୭/୧୧
(ସତ୍ୟାନ୍ୟୁଜ) ରାଉରକେଲା ଇସ୍ପାତ ଜେନେରାଲ ହସପିଟାଲ କୁ ଘରୋଇକରଣ କରିବାକୁ ଉଦ୍ୟମ କରା ଯାଉଥିବା ଅଭିଯୋଗ ହେଉଛି। ଅଭିଯୋଗ କରିଛନ୍ତି ରାଉରକେଲା ଶ୍ରମିକ ସଂଘ ଏବଂ ଗାଙ୍ଗପୁର ମଜଦୂର ମଞ୍ଚ।
ଆଇଜିଏଚ ର ଘରୋଇ କରଣ ପ୍ରସ୍ତାବ କୁ ବିରୋଧ କରି ସୋମବାର ସନ୍ଧ୍ୟାରେ ଉଭୟ ଶ୍ରମିକ ସଙ୍ଗଠନର କର୍ମକର୍ତ୍ତା ମାନେ ବିକ୍ଷୋଭ ପ୍ରଦର୍ଶନ କରିଥିଲେ। ଆଇଜିଏଚ ସମ୍ମୁଖରେ ଆୟୋଜିତ ଏହି ବିକ୍ଷୋଭ ରେ ଶ୍ରମିକ ସଂଘର କର୍ମକର୍ତ୍ତା ଙ୍କ ବ୍ୟତୀତ ଆରଏସପି କର୍ମଚାରୀ ଏବଂ ଆଇଜିଏଚ ନର୍ସିଂ ଷ୍ଟାଫ୍ ମାନେ ମଧ୍ୟ ସାମିଲ ହୋଇ ଥିଲେ। ରାଉରକେଲା ଇସ୍ପାତ ସହରାଞ୍ଚଳ ରେ ବିଭିନ୍ନ ସେବା ଏବଂ ଆଇଜିଏଚ କୁ ଘରୋଇ କରଣ ଉଦ୍ୟମ କୁ ଆଗାମୀ ଦିନରେ ତୀବ୍ର ବିରୋଧ କରାଯିବ ବୋଲି ଚେତାବନୀ ଦିଆଯାଇଛି।