ରାଉରକେଲା : ବିପିୟୁଟି ର ୧୨ ତମ ସମାବର୍ତ୍ତନ ଉତ୍ସବ ସମ୍ପନ୍ନ।। ୩୦ ହଜାର ୮୯୪ ଜଣଙ୍କୁ ଡିଗ୍ରୀ , ୩୮ ଜଣଙ୍କୁ ପିଏଚଡି, ୨୦ ଜଣଙ୍କୁ ସ୍ଵର୍ଣ୍ଣ ପଦକ ପ୍ରଦାନ କଲେ କୁଳାଧିପତି।
ରାଉରକେଲା: ୧୩/୧୧
(ସତ୍ୟାନ୍ୟୁଜ) ବିଜୁ ପଟ୍ଟନାୟକ ବୈଷୟିକ ବିଶ୍ବବିଦ୍ୟାଳୟ (ବିପିୟୁଟି) ର ୧୨ତମ ସମାବର୍ତ୍ତନ ଉତ୍ସବ ଆଜ ଅନୁଷ୍ଠିତ ହୋଇ ଯାଇଛି । ଏବର୍ଷ ମୋଟ୍ ୩୦,୮୯୪ ଜଣ ଛାତ୍ରଛାତ୍ରୀଙ୍କୁ ସାର୍ଟିଫିକେଟ୍ ପ୍ରଦାନ କରା ଯାଇଛି। ଏହାସହ ୩୮ ଜଣଙ୍କୁ ପିଏଚ୍ଡି, ୧୭ ଜଣଙ୍କୁ ୟୁନିଭର୍ସିଟି ସ୍ବର୍ଣ୍ଣପଦକ ଓ ୩ ଜଣଙ୍କୁ ସ୍ବତନ୍ତ୍ର ପଦକ ପ୍ରଦାନ କରା ଯାଇଛି। କୁଳାଧିପତି ତଥା ରାଜ୍ୟପାଳ
ଡକ୍ତର ହରି ବାବୁ କମ୍ଭମପାଟିଙ୍କ ଅଧ୍ୟକ୍ଷତାରେ ଆୟୋଜିତ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥିଭାବେ ନାକ୍ , ବେଙ୍ଗାଲୁରୁର ପୂର୍ବତନ ନିର୍ଦ୍ଦେଶକ ପ୍ରଫେସର ଏସ୍.ସି. ଶର୍ମା ଯୋଗ ଦେଇଥିଲେ। କୁଳାଧିପତି ବିମାନ ଯୋଗେ ରାଉରକେଲାରେ ପହଞ୍ଚିବା ପରେ
ଏଆରପୋର୍ଟ ରେ ତାଙ୍କୁ ଗାର୍ଡ ଅଫ୍ ଅନର୍ ଦିଆ ଯାଇଥିଲା। ସୁନ୍ଦରଗଡ଼ ଜିଲ୍ଲାପାଳ ଡକ୍ତର ଶୁଭଙ୍କର ମହାପାତ୍ର , ପଶ୍ଚିମାଞ୍ଚଳ ଡିଆଇଜି ବ୍ରିଜେଶ କୁମାର ରାଏ।, ରାଉରକେଲା ଏସପି ନୀତେଶ
ୱାଧୱାନି ଏବଂ ବରିଷ୍ଠ ଆର୍ ଏସ ପି ଅଧିକାରୀ ତାଙ୍କୁ ସ୍ବାଗତ କରିଥିଲେ।
ଚଳିତବର୍ଷ ୧୭,୧୫୯ ଇଞ୍ଜିନିୟରିଂ, ୧୧୯ ଜଣ ଆର୍କିଟେକ୍ଚର, ୨୮୭୩ ଫାର୍ମାସୀ, ୬୨୬୯ ମ୍ୟାନେଜ୍ମେଣ୍ଟ୍ ଏବଂ ୪୪୭୪ ଜଣ କମ୍ପ୍ୟୁଟର ଆପ୍ଲିକେସନ୍ ଓ ସାଇନ୍ସେସ୍ର ଛାତ୍ରଛାତ୍ରୀ ଙ୍କୁ ସାର୍ଟିଫିକେଟ୍ ଦିଆ ଯାଇଛି। ଉତ୍ସବରେ ପିଏଚ୍ଡି ଓ ସ୍ବର୍ଣ୍ଣପଦକ ଲାଭ କରିଥିବା ଛାତ୍ରଛାତ୍ରୀଙ୍କୁ ମେଡାଲ ସହ ସାର୍ଟିଫିକେଟ୍ ଦିଆ ଯାଇଛି। ଅବଶିଷ୍ଟ ଛାତ୍ରଛାତ୍ରୀଙ୍କ ସାର୍ଟିଫିକେଟ ସଂପୃକ୍ତ କଲେଜର ଅଧ୍ୟକ୍ଷମାନଙ୍କ ମାଧ୍ୟମରେ ପଠା ଯାଇଛି।