ରାଉରକେଲା : ଲହୁଣୀପଡ଼ା ଥାନା ଅଞ୍ଚଳରେ ବନ୍ଧୁକ ମୁନରେ ଭୀଷଣ ଡକାୟତି।। ଟ୍ରାନ୍ସପୋର୍ଟ ଅଫିସ୍ ରୁ ଲୁଟି ନେଲେ ୫ ଲକ୍ଷରୁ ଉର୍ଦ୍ଧ୍ବ ଟଙ୍କା।

ରାଉରକେଲା: ୧୪/୧୧
(ସତ୍ୟାନ୍ୟୁଜ) ଦୁଇଟି ବୋଲେରୋ ଗାଡ଼ିରେ ଆସିଥିଲେ ଡକାୟତ।ଘରୋଇ କମ୍ପାନୀ ଅଫିସ୍ ରେ ପଶି ଥିଲେ। କର୍ମଚାରୀଙ୍କୁ ମାଡ଼ ମାରି ବନ୍ଧୁକ ମୁନରେ ଲୁଟି ନେଲେ ଲକ୍ଷାଧିକ ଟଙ୍କା। ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ଥାନା ଅନ୍ତର୍ଗତ ବରସୁଆଁ ଅଞ୍ଚଳରେ ଘଟିଛି ଏପରି ଘଟଣା । ଗତକାଲି ରାତିରେ ଦୁଇଟି ବୋଲେରୋ ଗାଡ଼ିରେ ପ୍ରାୟ ୮ ରୁ ୧୦ ଜଣ ଡକାୟତ ଏକ ଟ୍ରାନ୍ସପୋର୍ଟ କମ୍ପାନୀ ଅଫିସ୍ ରେ ପଶି ଥିଲେ। ଡକାୟତ ମାନେ ମୁଖା ପିନ୍ଧିଥିବା ବେଳେ ହାତରେ ପିସ୍ତଲ୍ ଏବଂ ଅନ୍ୟ ମାରଣାସ୍ତ୍ର ଧରି ଥିଲେ। ଅଫିସ୍ ର କର୍ମଚାରୀଙ୍କୁ ମାଡ଼ ମାରି ୫ ଲକ୍ଷରୁ ଉର୍ଦ୍ଧ୍ବ ଟଙ୍କା ଲୁଟି ନେଇ ପଳାଇ ଯାଇଥିଲେ। ଗଲା ବେଳେ
ସିସିଟିଭି ହାର୍ଡୱେର୍ ମଧ୍ୟ ଭାଙ୍ଗି ଦେଇଛନ୍ତି। ଦୁବୃର୍ତ୍ତ ମାନେ ଗୋଟିଏ ଧଳା ଏବଂ ଅନ୍ୟ ଏକ କଳା ରଙ୍ଗର ବୋଲେରୋ ଗାଡ଼ିରେ ଆସିଥିବା ଜଣା ପଡ଼ିଛି। ଲହୁଣୀପଡ଼ା ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛନ୍ତି। ଗତ କିଛିଦିନ ହେଲା ବଣାଇ ଏବଂ ଲହୁଣୀପଡ଼ା ଥାନା ଅଞ୍ଚଳରେ ଡକାୟତି ଏବଂ ଲୁଟ୍ ଘଟଣା ବଢ଼ି ଯାଇଥିବାରୁ ପୋଲିସ୍ ପାଇଁ ଚିନ୍ତାର ବିଷୟ ହୋଇଛି।