ବଣାଇ : ବିପୁଳ ପରିମାଣରେ ଗଞ୍ଜେଇ ଚାଷ କୁ ନଷ୍ଟ କଲା ପୋଲିସ , ବନ ଏବଂ ଅବକାରୀ ବିଭାଗ।। ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଡ଼ି ଦିଆଗଲା।

ବଣାଇ:୧୧/୧୧(ସତ୍ୟାନ୍ୟୁଜ) ସୁନ୍ଦରଗଡ଼ ଜିଲ୍ଲା ବଣାଇ ଅଞ୍ଚଳରେ ବିଭିନ୍ନ ସ୍ଥାନରେ ଚାଷ କରା ଯାଇଥିବା ଗଞ୍ଜେଇ ଗଛକୁ ନଷ୍ଟ କରି ଦିଆ ଯାଇଛି। ମାଜିଷ୍ଟ୍ରେଟଙ୍କ ଉପସ୍ଥିତିରେ ବନବିଭାଗ , ପୋଲିସ୍ ଏବଂ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ପ୍ରାୟ ୧୦ ଲକ୍ଷ ଟଙ୍କା ମୂଲ୍ୟ ର ଗଞ୍ଜେଇ ଗଛ ପୋଡ଼ି ଦିଆ ଯାଇଛି। ବଣାଇଁ ବ୍ଲକ ଟିକାୟତ ପାଲି ଥାନା ଅନ୍ତର୍ଗତ ଭାଲୁପାଣି ପଞ୍ଚାୟତର ବରଘାଟ ,ଝାଣ୍ଡିସାହି,ଅନ୍ନାସାହି, ରାଣ୍ଟସାହି ,ଉଲସୁରା ଗାଁ ର କେତେକ ସ୍ଥାନରେ ଏହି ଗଞ୍ଜେଇ ଚାଷ ହୋଇଥିବା ଜଣାପଡିଛି । ପ୍ରାୟ ଦେଢ଼ ଏକର ଜମିରେ ଏହି ଗଞ୍ଜେଇ ଗଛ ରହିଥିଲା। ବାହାର ରାଜ୍ୟର ଗଞ୍ଜେଇ ମାଫିଆ ମାନେ ସ୍ଥାନୀୟ ଲୋକଙ୍କୁ ପ୍ରଲୋଭିତ କରି ଏହି ବେଆଇନ୍ ଗଞ୍ଜେଇ ଚାଷ କରୁଥିବା ଅନୁମାନ କର ଯାଉଛି। ସ୍ଥାନୀୟ ନିରୀହ ଆଦିବାସୀ ଲୋକମାନଙ୍କୁ ଏହି ଚାଷ ପାଇଁ ବ୍ୟବହାର କରାଯାଉଛି ।

ଝାଡ଼ଖଣ୍ଡ ରାଜ୍ୟର ଗଞ୍ଜେଇ ମାଫିଆମାନଙ୍କ ପ୍ରାୟ ଏପରି ବେଆଇନ୍ ବ୍ୟବସାୟରେ ଲିପ୍ତ ଥାଆନ୍ତି। ତେବେ ଗଞ୍ଜେଇ ଗଛ ଏତେ ବଡ଼ ହେବା ପର୍ଯ୍ୟନ୍ତ ଅବକାରୀ ବିଭାଗ କିପରି ଜାଣି ପାରିଲେ ନାହିଁ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।