ରାଉରକେଲା : ଉଦ୍ଘାଟିତ ହେଲା ୫ ଦିନିଆ ଇ ଏମ୍ ଆର୍ ଏସ ଜାତୀୟ କ୍ରୀଡା ପ୍ରତିଯୋଗିତା।। ଯୋଗ ଦେଉଛନ୍ତି ୧୦ ହଜାର କ୍ରୀଡାବିତ୍।

0 233

ରାଉରକେଲାରେ ଆରମ୍ଭ ହେଲା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଜାତୀୟ କ୍ରୀଡା ମହୋତ୍ସବ

ରାଉରକେଲା:୧୧/୧୧
(ସତ୍ୟା ନ୍ୟୁଜ)
ରାଉରକେଲାରେ ଆଜି ଉଦ୍ଘାଟିତ ହୋଇଯାଇଛି ଜାତୀୟ କ୍ରୀଡା ମହୋତ୍ସବ। ବିଭିନ୍ନ ରାଜ୍ୟର ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଛାତ୍ରଛାତ୍ରୀଙ୍କ ସହଭାଗୀତାରେ ଏହି ଜାତୀୟ କ୍ରୀଡା ମହୋତ୍ସବ ଆଜି ରାଉରକେଲାର ବିରସା ମୁଣ୍ଡା ଆଥଲେଟିକ୍ ଷ୍ଟାଡିୟମ୍‌ରେ ଧୁମଧାମ ରେ ଆରମ୍ଭ ହୋଇଛି। ଏହି କ୍ରୀଡା ମହୋତ୍ସବର ଉଦ୍ଦେଶ୍ୟ ହେଉଛି ଜାତିୟ ଛାତ୍ରଛାତ୍ରୀଙ୍କ ମଧ୍ୟରେ କ୍ରୀଡା ପ୍ରତି ସ୍ପୃହା, ଏବଂ ଶାରୀରିକ ସୁସ୍ଥତାକୁ ପ୍ରୋତ୍ସାହନ ଦେଇ ତାଙ୍କ ମଧ୍ୟରେ ଅନ୍ତର୍ନିହିତ ପ୍ରତିଭାକୁ ଲୋକ ଲୋଚନ କୁ ଆଣିବା।

ଏହି ଜାତୀୟ କ୍ରୀଡା ମହୋତ୍ସବ କୁ ଉଦ୍‌ଘାଟନ କରିଥିଲେ କେନ୍ଦ୍ରୀୟ ଆଦିବାସୀ କଲ୍ୟାଣ ମନ୍ତ୍ରୀ ଜୁଏଲ ଓରାମ। ଏହି ଅବସରରେ ସୁନ୍ଦରଗଡ଼ ଜିଲ୍ଲାପାଳ ଡ଼. ଶୁଭଙ୍କର ମହାପାତ୍ର, ଶିକ୍ଷା ଓ ଜାତିୟ ବିଭାଗର ଅଧିକାରୀ, ପ୍ରଶିକ୍ଷକ ଓ ଅନ୍ୟ ନିମନ୍ତ୍ରିତ ଅତିଥିମାନେ ଉପସ୍ଥିତ ଥିଲେ।

ଉଦ୍‌ଘାଟନ ସମାରୋହର ଆକର୍ଷଣ ଥିଲା ବିଭିନ୍ନ ଟିମ୍‌ମାନଙ୍କର ଆକର୍ଷଣୀୟ ମାର୍ଚ୍ଚ ପାଷ୍ଟ ଓ ଭାରତୀୟ ଜାତିୟ ସାଂସ୍କୃତିକ ଐତିହ୍ୟ କୁ ପ୍ରତିଫଳିତ କରୁଥିବା ରଙ୍ଗିନ ସଂସ୍କୃତିକ ଆବଳିକା।

କ୍ରୀଡା ପ୍ରତିଯୋଗିତା ଗୁଡ଼ିକ ୧୫ ନଭେମ୍ବର ପର୍ଯ୍ୟନ୍ତ ଚାଲିବ। ଏହି ସମୟରେ ଆଥଲେଟିକ୍ସ, ଫୁଟବଲ୍, ଭଲିବଲ୍, କବାଡ଼ି, ଖୋ-ଖୋ, ଧନୁର୍ବିଦ୍ୟା, ସ୍ୱିମିଂ ସହ ବହୁ କ୍ରୀଡା ବିଭାଗରେ ମୁକାବିଲା ହେବ। ଦେଶର ବିଭିନ୍ନ ରାଜ୍ୟରୁ ୧୦ ହଜାର ପ୍ରତିଯୋଗୀ ଏହି କ୍ରୀଡା ମହୋତ୍ସବରେ ଯୋଗ ଦେଇଛନ୍ତି।

Leave A Reply

Your email address will not be published.