ରାଉରକେଲା : ଭୁବନେଶ୍ୱର – ରାଉରକେଲା ଭାଲବୋ ବସ୍ – ଟ୍ରକ୍ ମୁହାଁ ମୁହିଁ ଧକ୍କା।। କେତେକ ଯାତ୍ରୀ ଆହତ , ଟ୍ରକ୍ ଡ୍ରାଇଭର ଗୁରୁତର।

ରାଉରକେଲା:୮/୧୧(ସତ୍ୟାନ୍ୟୁଜ) ଭୁବନେଶ୍ୱର ରୁ ରାଉରକେଲା ଆସୁଥିବା ଭାଲବୋ ବସ୍ ଦୁର୍ଘଟଣା ଗ୍ରସ୍ତ ହୋଇ କେତେକ ଯାତ୍ରୀ ଆହତ ହୋଇ ଥିବା ସୂଚନା ମିଳିଛି। ଅନୁଗୁଳ ଜିଲ୍ଲା ପିତିରି ଛକ ନିକଟରେ ଏକ ଦ୍ରୁତଗାମୀ ଟ୍ରକ୍ ସହ ବସ୍ ର ମୁହାଁ ମୁହିଁ ଧକ୍କା ହୋଇଥିଲା। ଦୁର୍ଘଟଣାରେ ଟ୍ରକ ଡ୍ରାଇଭର ଗୁରୁତର ଆହତ ହୋଇଛନ୍ତି। ରାତି ପ୍ରାୟ ୨ ଟା ୩୦ ମିନିଟ୍ ସମୟରେ ଏହି ଦୁର୍ଘଟଣା ଘଟିଛି। ରାଉରକେଲା ରୁ ଅନ୍ୟ ବସ୍ ରେ ଯାଉଥିବା ଯାତ୍ରୀ ମାନେ ଆହତ ବସ୍ ଯାତ୍ରୀ ଙ୍କୁ ଉଦ୍ଧାର କରି ହସ୍ପିଟାଲ୍ ପଠାଇଥିଲେ। ଦୁର୍ଘଟଣା ଯୋଗୁଁ ବହୁ ସମୟ ଧରି ରାସ୍ତା ଅବରୋଧ ରହିଥିଲା। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି।