ରାଉରକେଲା : କାମ ଆରମ୍ଭ ହୋଇ ଅଟକି ରହିଛି ମାଲ ଗୋଦାମ ରୋଡ ଓଭର ବ୍ରିଜ୍।। ରେଳ ଫାଟକ ପାରି ହେବାକୁ ଘଣ୍ଟା ଘଣ୍ଟା ଲାଗୁଛି।
ରାଉରକେଲା:୭/୧୧(ସତ୍ୟାନ୍ୟୁଜ) ରାଉରକେଲା ସହରର ମାଲଗୋଦାମ ରେଲ୍ ଫାଟକ।
ପ୍ରତିଦିନ ସହରବାସୀ ଏଠାରେ ଲମ୍ବା ଟ୍ରାଫିକ୍ ଜାମ୍ରେ ଅଟକି ଯାଇଥାନ୍ତି।
କାରଣ ଏହି ରାସ୍ତାରେ ଶହ ଶହ ଗାଡ଼ି ମଟର ଯାଇଥାଏ। ବାସନ୍ତୀ କଲୋନୀ , ମଧୁସୂଦନପାଲି , ରେଲୱେ କଲୋନୀ ର ଲୋକ ମାନେ ଏହି ରାସ୍ତାରେ ଯାତାୟାତ କରିଥାନ୍ତି। ପ୍ରତିଦିନ ଏହି ରୁଟ୍ ରେ ଡର୍ଜନ୍ ଡର୍ଜନ୍ ଟ୍ରେନ୍ ପାସ୍ କରୁଥିବାରୁ ରେଳ ଫାଟକ ପ୍ରାୟ ବନ୍ଦ ପଡ଼ି ରହିଥାଏ। ଫଳରେ ସାଧାରଣ ଲୋକଙ୍କ ସହ ସ୍କୁଲ ପିଲା , କର୍ମଜୀବୀ ମାନେ ଘଣ୍ଟା ଘଣ୍ଟା ଅଟକି ରହି ଥାଆନ୍ତି।
ଏହି ସମସ୍ୟାର ସମାଧାନ ପାଇଁ ମାଲଗୋଦାମ ରେଳ ଲେଵଲ୍ କ୍ରସିଂ ରେ ରୋଡ୍ ଓଭରବ୍ରିଜ୍ ନିର୍ମାଣ ପାଇଁ ୨୦୨୧ ରେ ସର୍ଭେ କରାଗଲା। ରାଜ୍ୟସରକାର ଏବଂ ରେଳ ବିଭାଗ ମିଳିତ ପ୍ରୟାସ ରେ ଏହି ଓଭରବ୍ରିଜ୍ ହେବା ନେଇ ନିଷ୍ପତ୍ତି ହେଲା। ବ୍ୟୟ ଅଟକଳ ସେ ୫୮ କୋଟି ଥିଲା।
ସର୍ଭେ ହେଲା, ପ୍ରକଳ୍ପ ପାସ୍ ହେଲା, ବଜେଟ୍ ମଧ୍ୟ ଆସିଗଲା। ଟେଣ୍ଡର ପାସ ହୋଇ କାମ ମଧ୍ୟ ଆରମ୍ଭ ହେଲା। ମାତ୍ର ଦୁଇ , ତିନୋଟି ପିଲର୍ ହେବା ପରେ କାମ ବନ୍ଦ ହୋଇ ଯାଇଛି।
ମୂଳ ଠିକାଦାର କାମ ଛାଡ଼ି ଦେଇଥିବା ବେଳେ ଓଭରବ୍ରିଜ ନିର୍ମାଣ ପାଇଁ ଆବଶ୍ୟକୀୟ ଜମି ବାଧକ ସାଜି ଥିବା କୁହା ଯାଉଛି।
ତେବେ ସହର ବାସୀଙ୍କ ସୁବିଧା ପାଇଁ ଏହି ରୋଡ ଓଭରବ୍ରିଜ୍ ପ୍ରକଳ୍ପ ଶୀଘ୍ର ସାରିବାକୁ ଦାବି ହେଉଛି।