ରାଉରକେଲା : ୧୪୩ ନମ୍ୱର୍ ଜାତୀୟ ରାଜପଥ ଦେଓଗାଁ ଛକ ରେ ବାରମ୍ବାର ଦୁର୍ଘଟଣା।। ସଠିକ୍ ଟ୍ରାଫିକ ବ୍ୟବସ୍ଥା ସହ ହମ୍ପସ୍ ନିର୍ମାଣ ଦାବି।

ରାଉରକେଲା:୮/୧୧(ସତ୍ୟାନ୍ୟୁଜ) ସଡ଼କ ର ତ୍ରୁଟି ପୂର୍ଣ୍ଣ ମାନ ଏବଂ ଡିଜାଇନ୍ ଯୋଗୁ ସଡ଼କ ଦୁର୍ଘଟଣା ର ସମ୍ଭାବନା ଅଧିକ ଥାଏ। ବିଶେଷ କରି ଜାତୀୟ ରାଜପଥ ଏବଂ ରାଜ୍ୟ ରାଜପଥ ରେ ଏହି ତ୍ରୁଟି ଥିଲେ ଦୁର୍ଘଟଣାରେ ବୃଦ୍ଧି ଘଟି ଥାଏ। ଭୁବନେଶ୍ୱର ରେ ଶୁକ୍ରବାର ଦିନ ହୋଇଥିବା ଭାରତୀୟ ସଡକ କଂଗ୍ରେସ ଉଦ୍ଘାଟନ କାର୍ଯ୍ୟକ୍ରମରେ ଯୋଗଦେଇ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରି ଏପରି ମନ୍ତବ୍ୟ ଦେଇଛନ୍ତି। ଭୁଲ
ଡିପିଆର୍ ଯୋଗୁଁ ସଡ଼କ ଦୁର୍ଘଟଣା ଘଟି ଲୋକଙ୍କ ଜୀବନ ହାନି ଘଟୁଥିବା ସେ କହିଛନ୍ତି। ଏହି ତ୍ରୁଟି କୁ ସୁଧାରିବାକୁ ଶ୍ରୀ ଗଡକରି ଜାତୀୟ ରାଜପଥ ଦାୟିତ୍ୱରେ ଥିବା ଅଧିକାରୀ ଏବଂ ଯନ୍ତ୍ରୀ ଙ୍କୁ ନିର୍ଦ୍ଦେଶ ଦେଇଛନ୍ତି।
ତ୍ରୁଟି ପୂର୍ଣ୍ଣ ରାସ୍ତା ନିର୍ମାଣ ଯୋଗୁଁ ରାଉରକେଲା ଦେଓଗାଁ ନିକଟ ୧୪୩ ନମ୍ୱର୍ ରାଜପଥ ରେ ବାରମ୍ବାର ଦୁର୍ଘଟଣା ଘଟୁ ଥିବା ଅଭିଯୋଗ ହେଉଛି। ଏହି ଛକ ରେ କୌଣସି ଟ୍ରାଫିକ ବ୍ୟବସ୍ଥା ନାହିଁ। ଏହା ସାଙ୍ଗକୁ ରାଉରକେଲା ରୁ ଆସୁଥିବା ରାସ୍ତା ଏହି ରାଜପଥ କୁ ସଂଯୋଗ କରୁଥିବାରୁ ଏଠାରେ ହେଭୀ ଟ୍ରାଫିକ ଥାଏ। ରାଜପଥରେ ସାଧାରଣତଃ ଦ୍ରୁତ ଗତିରେ ଯାନ ବାହନ ଚଳାଚଳ କରିଥାଏ। ମାତ୍ର ଏହି ଛକରେ ଗତି ରୋଧକ ହମ୍ପସ୍ ନଥିବାରୁ ପ୍ରାୟ ସବୁଦିନ ଦୁର୍ଘଟଣା ଘଟୁଛି। ଯେଉଁ ହମ୍ପସ୍ ଅଛି ତା ତ୍ରୁଟି ପୂର୍ଣ୍ଣ। ତେଣୁ ଏହି ଛକର ରାସ୍ତା ଡିଜାଇନ୍ ଠିକ୍ ଭବେ ରୂପାନ୍ତରିତ କରି ଦୁର୍ଘଟଣା ରୋକିବାକୁ ସ୍ଥାନୀୟ ଲୋକେ ଦାବି କରିଛନ୍ତି।