ରାଉରକେଲା : କାନ୍ଧରେ ୬ ମାସର ଶିଶୁ କୁ ଧରି ଡ୍ୟୁଟି କରୁଛନ୍ତି ମହିଳା ହୋମଗାର୍ଡ ଆଶା ଡିଗା।। କର୍ମଜୀବୀ ମହିଳାଙ୍କ ପାଇଁ ଏକ ପ୍ରେରଣା ସାଜି ଛନ୍ତି ଆଶା।

ରାଉରକେଲା: ୭/୧୧(ସତ୍ୟାନ୍ୟୁଜ)
କାନ୍ଧରେ ୬ ମାସର ଶିଶୁ କନ୍ୟାକୁ ଧରି ଡ୍ୟୁଟି କରୁଛନ୍ତି ଆଶା ଡିଗା। ଗୋଟିଏ ପଟେ ମାତୃତ୍ଵ ର ସ୍ନେହ ମମତା , ଅନ୍ୟ ପଟେ ରାଜ କର୍ମ । ଏପରି ଏକ ସ୍ଥିତି ରେ ରାଉରକେଲା ଏରୋଡ୍ରମ୍ ନିକଟ ସ୍ପେସ୍ ଛକରେ ଡ୍ୟୁଟି କରୁଛନ୍ତି ମହିଳା ହୋମ୍ ଗାର୍ଡ ଆଶା। ତାଙ୍କୁ ପୋଲିସ୍ ବିଭାଗ ପକ୍ଷରୁ ଏଠାରେ ଥିବା ପୋଲିସ
ଏଡ୍ ପୋଷ୍ଟ ରେ ଡ୍ୟୁଟି ଦିଆ ଯାଇଛି। ରାଉରକେଲା ବନପୋଷ ରେ ରହୁଥିବା ଆଶା ଙ୍କ ୧୨ ବର୍ଷ ର ଅନ୍ୟ ଝିଅ ଟିଏ ମଧ୍ୟ ଅଛି। ସେ ଏବେ ସ୍କୁଲ ରେ ପଢୁଛି। ସ୍ବାମୀ ଅନ୍ୟ ଜାଗାରେ କାମ କରନ୍ତି। ଆଶା ଙ୍କୁ ତାଙ୍କ ପରିବାର ଏବଂ ବିଭାଗୀୟ କର୍ତ୍ତୃପକ୍ଷଙ୍କ ପକ୍ଷରୁ ମିଳୁଛି ପୁରା ସହଯୋଗ। ମା’ର ମମତା ଏବଂ ରଜକର୍ମ ମଧ୍ୟରେ ସନ୍ତୁଳନ ରଖି ଆଶା ନିଜର ଜୀବନଯାତ୍ରା ଜାରି ରଖିଥିବା ବେଳେ ସମସ୍ତ ୱାର୍କିଙ୍ଗ ଓମେନ୍ ଙ୍କ ପାଇଁ ନିଶ୍ଚିତ ଭାବେ ଏକ ପ୍ରେରଣା।