ସୁନ୍ଦରଗଡ଼ ଜିଲ୍ଲାର ବଣେଇ ଏବଂ କୁଳିପୋଷ ଫରେଷ୍ଟ ରେଞ୍ଜରେ ଦୁଇଟି ହାତୀପଲ୍ଲ।। ବ୍ୟାପକ ଫସଲ ହାନି।। କ୍ଷତିପୂରଣ ଦାବି କଲେ ଚାଷୀ।

ସୁନ୍ଦର ଗଡ଼ ଜିଲ୍ଲା ବଣାଇ ଏବଂ କୁଳିପୋଷ ଫରେଷ୍ଟ ରେଞ୍ଜ ଅଞ୍ଚଳରେ ଏକ ୧୮ ଟିକିଆ ହାତୀ ଦଳ ତିନିଦିନ ହେଲା ଉପଦ୍ରବ ଚଳାଇଛନ୍ତି । ଏହି ହାତୀପଲ୍ଲ ପାଚିଲା ଧାନ , କଦଳୀ ଚାଷ, ପନିପରିବା ଚାଷ ଆଦି ନଷ୍ଟ କରିଦେଉଥିବା ଅଭିଯୋଗ ହେଉଛି ।

ଦଳଦଳ ହୋଇ ଏହି ହାତୀପଲ୍ଲ ବଣାଇ ଫରେଷ୍ଟ ରେଞ୍ଜ ର ଟେଣ୍ଡରା, ଖଜୁରୀବାହାଲ, ତିଳେଇସରା ଅଞ୍ଚଳ ରେ ଧାନ ନଷ୍ଟ କରୁ ଥିବା ବେଳେ ବିଡା ବନ୍ଧା ହୋଇ ରଖା ଯାଇଥିବା ଧାନଗଦା ସବୁ ଖାଇ ଦେଉଛନ୍ତି। ସେହିପରି କୁଳିପୋଷ ରେଞ୍ଜ ର ମହୁଲ ଡିହା ସେକ୍ସନ ଅଞ୍ଚଳରେ ଏକ ୨୪ ଟିକିଆ ହାତୀପଲ୍ଲ ପଶି ଧାନ ଫସଲ ସହିତ କଦଳୀ ଚାଷ ମଧ୍ୟ ନଷ୍ଟ କରୁଛନ୍ତି। ହାତୀପଲ୍ଲ ଙ୍କ ଉପଦ୍ରବରେ ଗ୍ରାମବାସୀ ଏବେ ଅତିଷ୍ଠ ହୋଇପଡିଲେଣି । ବନ ବିଭାଗ ପକ୍ଷରୁ ହାତୀପଲ୍ଲ ଘଉଡ଼ାଇବାକୁ ଉଦ୍ୟମ ଜାରି ରହିଥିବା ବେଳେ କ୍ଷତିଗ୍ରସ୍ତ ଙ୍କୁ ଅନୁକମ୍ପାମୂଳକ ସାହାଯ୍ୟ ଦିଆଯିବ ବୋଲି କୁହାଯାଇଛି ।