ସୁନ୍ଦରଗଡ଼ : ଚୋରା ମଦ ଧରିବାକୁ ଆସି ଅବକାରୀ କର୍ମଚାରୀ ହଟହଟା ସହ ଅଟକ।। ଉଦ୍ଧାର କଲେ ପୋଲିସ୍।

ସୁନ୍ଦରଗଡ଼:୧୭/୪(ସତ୍ୟାନ୍ୟୁଜ) ସୁନ୍ଦରଗଡରେ ଅବକାରୀ ବିଭାଗ ଟିମ ଏବଂ ପୋଲିସ ଚୋରା ମଦ ଧରିବାକୁ ଆସି ଥିବା ବେଳେ ଗ୍ରାମବାସୀଙ୍କ ଦ୍ବାରା ହଟହଟା ହେବା ସୂଚନା ମିଳିଛି। ମଦ ଭାଟି କର୍ମଚାରୀ ଙ୍କୁ ମହିଳା ମାନେ ଅଟକ ରଖି ନିସ୍ତୁକ ମାଡ ମାରି ଥିବା ଘଟଣା ସବଡେଗା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ତଳସରା ଥାନା ଅନ୍ତର୍ଗତ ବାବୁଡ଼ିହି ଗାଁ ବସ୍ତି କୁ ଅବକାରୀ ଟିମ୍ ଚୋରା ମଦ ଧରିବାକୁ ଆସିଥିଲେ। ବାଲିଶଙ୍କରା ଦେଶୀ ମଦ ଭାଟି ର ଜଣେ କର୍ମଚାରୀ ଏକୁଟିଆ ଥିବା ମହିଳାଙ୍କ ଘରକୁ ପଶି ଯାଇଥିଲେ ଓ ଏକ ସାଦା କାଗଜରେ ଦସ୍ତଖତ କରିବାକୁ କହିଥିଲେ । ତେବେ ଉକ୍ତ ମହିଳା ଜଣକ ଭୟଭୀତ ହୋଇ ପାଟି ତୁଣ୍ଡ କରିବାରୁ ଗାଁ ର ମହିଳାମାନେ ଓ ଗ୍ରାମବାସୀ ଉକ୍ତ ଭାଟି କର୍ମଚାରୀ ଯୁବକ କୁ କାବୁ କରି ନେଇ ଥିଲେ। ପରେ ଏକ କୋଠରୀରେ ବନ୍ଦ କରି ଦେଇଥିଲେ । ଖବର ପାଇ ତଳସରା ପୋଲିସ ଆସି ଉକ୍ତ ଭାଟି କର୍ମଚାରୀ ଙ୍କୁ ଉଦ୍ଧାର କରିବାକୁ ଚେଷ୍ଟା କରିବା ବେଳେ ଗ୍ରାମବାସୀଙ୍କ ବିରୋଧ ର ସମ୍ମୁଖୀନ ହେବାକୁ ପଡ଼ିଛି।ଗାଁ ବସ୍ତିରେ ଚୋରା ମଦ ଧରିବା ବାହାନାରେ ଅବକାରୀ ବିଭାଗ ସହ ମିଶି ଭାଟି କର୍ମଚାରୀମାନେ ଗାଁ ର ମହିଳା ମାନଙ୍କୁ ଖରାପ ବ୍ୟବହାର କରିବା ଅଭିଯୋଗ ହୋଇଛି।

କୁଚିଆ ଙ୍କ ଜରିଆରେ ଜୋର ଜବରଦସ୍ତ ବାଲିଶଙ୍କରା ସରକାରୀ ଦେଶୀ ମଦ ଭାଟି ର ଦେଶୀ ପାଉଚ୍ଚ ମଦ ବିକ୍ରି କରିବାକୁ ବାଧ୍ୟ କରୁଥିବା ଅଭିଯୋଗ କରିଛନ୍ତି ମହିଳା ମାନେ।