ରାଉରକେଲା ରେ ଛଟ ପୂଜା ଲାଗି ପ୍ରସ୍ତୁତି ଶେଷ ପର୍ଯ୍ୟାୟରେ ।

ଆସନ୍ତା କାଲି ବିହାର ପ୍ରଦେଶ ର ମହାପର୍ବ ଛଟପର୍ବ କୁ ପାଳନ କରିବା ଲାଗି ପ୍ରସ୍ତୁତି ଶେଷ ପର୍ଯ୍ୟାୟ ରେ ପହଁଚିଛି । ରାଉରକେଲା ର ବିଭିନ୍ନ ନଦୀକୂଳ ଏବଂ ଜଳାଶୟ ନିକଟରେ ଛଟ ପୂଜା ଲାଗି ପ୍ରଶାସନ ପକ୍ଷରୁ କୌଣସି ଲିଖିତ ଅନୁମତି ଦିଆଯାଇନଥିଲେ ମଧ୍ୟ ବିଭିନ୍ନ ଜଳାଶୟ ନିକଟରେ ପୂଜା ଲାଗି ସଫେଇ କାର୍ଯ୍ୟ ଚାଲିଛି

। ବ୍ରତାଧାରୀ ମାନେ କୋଭିଡ କଟକଣା ମଧ୍ୟରେ ଛଟ ପୂଜା କିପରି ପାଳନ କରି ପାରିବେ ସେଥିଲାଗି କେତେକ ଛଟ ପୂଜା କମିଟି ପକ୍ଷରୁ ନଦୀଘାଟ ଏବଂ ପୋଖରୀ କୂଳରେ ସଫେଇ କାର୍ଯ୍ୟ କରାଯାଉଛି । ବୁଧବାର ଦିନ ଅସ୍ତଗାମୀ ସୂର୍ଯ୍ୟଙ୍କୁ ପ୍ରଥମ ଅର୍ଘ୍ୟ ଦିଆଯିବାକୁ ଥିବା ବେଳେ ଗୁରୁବାର ଦିନ ଉଦିତ ସୂର୍ଯ୍ୟଙ୍କୁ ଦୂତୀୟ ଅର୍ଘ୍ୟ ଦିଆଯିବ । ରାଉରକେଲା ବଜ଼ାରରେ ଆଜି ଠାରୁ ଛଟ ପୂଜା ଲାଗି ଶ୍ରଦ୍ଧାଳୁ ମାନେ ପୂଜା ସାମଗ୍ରୀ କିଣିବା ଆରମ୍ଭ କଲେଣି ।