କଲେଜ ଛାତ୍ରୀ ଙ୍କ ଠାରୁ ଭ୍ୟାନିଟି ବ୍ୟାଗ ଲୁଟ ଘଟଣା ରେ ଜଣେ ଅଭଯୁକ୍ତ ଗିରଫ।। ଅନ୍ୟ ଜଣେ ଅଭିଯୁକ୍ତ ଫେରାର ।

ରାଉରକେଲା ବିଶ୍ରା ଛକ ନିକଟରେ ରବିବାର ସନ୍ଧ୍ୟାରେ ଜଣେ କଲେଜ ଛାତ୍ରୀ ମୈଥିଲି ଷଡ଼ଙ୍ଗୀଙ୍କ ଠାରୁ ଭ୍ୟାନିଟି ବ୍ୟାଗ ଛଡାଇ ନେବା ଘଟଣାରେ ପ୍ଲାଣ୍ଟସାଇଟ ପୋଲିସ ଜଣେ ଅଭିଯୁକ୍ତ କୁ ଗିରଫ କରିଛନ୍ତି ।

ଏହି ଘଟଣାରେ ଜଡିତ ଅନ୍ୟଜଣେ ଅଭିଯୁକ୍ତ ଫେରାର ହୋଇଯାଇଛି । ଗିରଫ ଅଭିଯୁକ୍ତ ରାଜା ପାତ୍ର ନିକଟରୁ ଉକ୍ତ ଛାତ୍ରୀଙ୍କ ଭ୍ୟାନିଟି ବ୍ୟାଗ , ମୋବାଇଲ ଫୋନ ଆଦି ଉଦ୍ଧାର କରାଯାଇଛି । ଏହା ସହ ଅପରାଧରେ ବ୍ୟବହୃତ ଏକ ଚୋରା ବାଇକ କୁ ମଧ୍ୟ ପୋଲିସ ଜବତ କରିଛି । ଗିରଫ ରାଜା ପାତ୍ର ଜଣେ ପେଷାଦାର ଅପରାଧୀ ବୋଲି ପୋଲିସ ସୂତ୍ରରୁ ପ୍ରକାଶ । ୬ ମାସ ପୂର୍ବରୁ ରାଉରକେଲା ଜେଲ ରୋଡ଼ ନିକଟରୁ ଭୁଜାଲି ଦେଖାଇ ଏକ ସ୍କୁଟି ଲୁଟ କରିଥିଲା ରାଜା । ଲୁଟ କରିଥିବା ସ୍କୁଟି ବ୍ୟବହାର କରି ସେହି ସନ୍ଧ୍ୟାରେ ମୁନିସିପଲ କଲେଜ ନିକଟରେ ଜଣେ ମହିଳାଙ୍କ ଠାରୁ ଭ୍ୟାନିଟି ବ୍ୟାଗ ଏବଂ ଚେନ ଲୁଟ କରିଥିଲା । ଏହା ସହ ଅନ୍ୟ କେତେକ ସମାନ ପ୍ରକାର ଅପରାଧରେ ମଧ୍ୟ ରାଜା ଜଡିତ ଥିବା ପୋଲିସ ଜାଣି ପାରିଛି। ଫେରାର ଅନ୍ୟ ଅଭିଯୁକ୍ତ କୁ ଧରିବାକୁ କରିବାଲାଗି ପୋଲିସ୍ ପକ୍ଷରୁ ଉଦ୍ୟମ ଜାରି ରହିଛି ।