ଟଙ୍କା ଭର୍ତ୍ତି କରୁଥିବା କମ୍ପାନୀର ଅଧିକାରୀ ମାନେ ଷ୍ଟ୍ରାଇକରେ।। ରାଉରକେଲା ଏବଂ ବଣେଇରେ ପାଞ୍ଚ ଦିନ ହେଲା ୯୫ ଟି ଏଟିଏମ କାମ କରୁନାହିଁ ।

ରାଉରକେଲା ଏବଂ ବଣେଇ ଅଞ୍ଚଳରେ ଗତ ୫ ଦିନ ହେଲା ୯୫ ଟି ଏ ଟି ଏମ କାମ କରୁନଥିବାରୁ ଗ୍ରାହକ ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ମୁଖ୍ୟତଃ ଷ୍ଟେଟବ୍ୟାଙ୍କ , ଆକ୍ସସିସ ବ୍ୟାଙ୍କ , ଆଇ ସି ଆଇ ସି ବ୍ୟାଙ୍କ ର ଏଟିଏମ କାମ କରୁନାହିଁ ।

ଏହା ମଧ୍ୟରେ ଦୀପାବଳୀ ଥିଲା । ଏଟିଏମ କାମ ନକରିବାରୁ ଲୋକମାନେ ହଇରାଣ ହେଲେ । ଏଟିଏମ କାମ କରୁନଥିବା ନେଇ ବ୍ୟାଙ୍କ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇନାହିଁ। ଏଟିଏମ ବନ୍ଦ ର କାରଣ ସମ୍ପର୍କରେ କୌଣସି ଅଫିସିଆଲ ସୂଚନା ନଥିବା ବେଳେ ଦରମା ଇଶୁ କୁ ନେଇ ଏହି ଅଚଳାବସ୍ଥା ସୃଷ୍ଟି ହୋଇଥିବା କୁହାଯାଉଛି । ଏଟିଏମ ରେ ଟଙ୍କା ଭର୍ତ୍ତି କରିବାକୁ ଯେଉଁ କମ୍ପାନୀ ବ୍ୟାଙ୍କ ରୁ କଣ୍ଟ୍ରାକ୍ଟ ନେଇଛି ଉକ୍ତ କମ୍ପାନୀ ସଂସ୍ଥାରେ ଥିବା କ୍ୟାଶ ଲୋଡିଙ୍ଗ ଅଧିକାରୀ ମାନଙ୍କୁ ନିୟମିତ ଭାବେ ଦରମା ଦେଉନଥିବା ଅଭିଯୋଗ ହେଉଛି । ଫଳରେ ଗତ ନଭେମ୍ବରରୁ ୧ ତାରିଖ ରୁ କ୍ୟାସ ଲୋଡିଙ୍ଗ ଅଧିକାରୀ ମାନେ କାମ ବନ୍ଦ କରିଦେଇଛନ୍ତି । ଆଜି ଭୁବନେଶ୍ୱର ରୁ ଆଲୋଚନା ଲାଗି ଏବଂ ସମସ୍ୟାର ସମାଧାନ କରିବାକୁ ଏଟିଏମ ରେ କ୍ୟାସ ଲୋଡ଼ କରୁଥିବା କମ୍ପାନୀ ର ଅଧିକାରୀ ମାନେ ଆସୁଥିବା ସୂଚନା ମିଳିଛି ।