ରାଉରକେଲା ରେ ଦୀପାବଳୀ ଏବଂ କାଳୀପୂଜା ଲାଗି ପ୍ରସ୍ତୁତି ଶେଷ ପର୍ଯ୍ୟାୟରେ ।

କାଳୀପୂଜା ଏବଂ ଦୀପାବଳୀ ଉତ୍ସଵ ପାଳନ କରିବା ଲାଗି ରାଉରକେଲା ଇସ୍ପାତ ସହର ଚଳଚଞ୍ଚଳ ହୋଇ ଉଠିଛି । ମା କାଳୀ ଙ୍କ ପ୍ରତିମା ରେ କାରିଗର ତାର ଶେଷ ସ୍ପର୍ଶ ଦେଉଥିବା ବେଳେ ବିଭିନ୍ନ ପୂଜାମଣ୍ଡପ ରେ ମାଙ୍କ ପୂଜା ଲାଗି ପ୍ରସ୍ତୁତି ଚାଲିଛି ।

କୋଭିଡ କଟକଣା ଯୋଗୁ ଚାରିଫୁଟ ରୁ ଅଧିକ ଉଚ୍ଚତା ର ପ୍ରତିମା ନକରିବାକୁ ସରକାରୀ ନିର୍ଦେଶନମା ଥିବାରୁ କାରିଗର ସେହି ଅନୁସାରେ କମ ଉଚ୍ଚତା ପ୍ରତିମା କରୁଛନ୍ତି । ରାଉରକେଲା ରେ ବିଭିନ୍ନ ପୂଜା ପେଣ୍ଡାଲ ରେ କୋଭିଡ କଟକଣା ମଧ୍ୟରେ କାଳୀପୂଜା ଲାଗି ସାଜସଜ୍ଜା ମଧ୍ୟ ଆରମ୍ଭ ହୋଇଯାଇଛି । ଅନ୍ୟପକ୍ଷରେ ଆଲୋକର ପର୍ବ ଦୀପାବଳୀ ପାଳନ ଲାଗି ଜୋରଦାର ପ୍ରସ୍ତୁତି ଚାଲିଛି । କେବଳ ସବୁଜ ବାଣ ର ବ୍ୟବହାର କରିବାକୁ ନିର୍ଦେଶ ଥିବାବେଳେ ବଜ଼ାର ଅଞ୍ଚଳରେ ବାଣ ଦୋକାନ ଖୋଲିନାହିଁ । ତେବେ ଦୀପାବଳୀ ଲାଗି ରାସ୍ତାକଡରେ ଦୀପ , ବଳିତା , ରାଶିତେଲ ଆଦି ବିକ୍ରୀ ଆରମ୍ଭ ହୋଇଯାଇଛି । ଲୋକମାନେ ଆଜିଠାରୁ ପୂଜା ସାମଗ୍ରୀ କିଣିବା ଆରମ୍ଭ କରିଦେଇଥିବାରୁ ବଜ଼ାରରେ ଭିଡ଼ ପରିଲକ୍ଷିତ ହେଉଛି । ବାଣ ଫୁଟାଇବା ଲାଗି ଏକ ପ୍ରକାର ପ୍ରତିବନ୍ଧ ଥିଲେ ମଧ୍ୟ ଦୀପାବଳୀ ପାଳନ କରିବାଲାଗି ଲୋକଙ୍କ ମନରେ ଉତ୍ସାହ କମ ହୋଇନଥିବା ପରିଲକ୍ଷିତ ହେଉଛି।