୭୨ ଘଣ୍ଟା ମଧ୍ୟରେ ରାସ୍ତା ମରାମତି ନହେଲେ ଆନ୍ଦୋଳନ ର ଚେତାବନୀ।।ରାଏବଗା ଥାନା ସମ୍ମୁଖରେ ଦଲକି ପଞ୍ଚାୟତ ବାସୀ ଙ୍କ ବିକ୍ଷୋଭ ପ୍ରଦର୍ଶନ ।

୭୨ ଘଣ୍ଟା ମଧ୍ୟରେ ଭାରୀଯାନ ଚଳାଚଳ ବନ୍ଦ କରାନଗଲେ କିମ୍ବା ଜର୍ଜର ଅବସ୍ଥାରେ ଥିବା ରାସ୍ତା ମରାମତି କରିବାକୁ କୌଣସି ପଦକ୍ଷେପ ନିଆ ନଗଲେ ତୀବ୍ର ଆନ୍ଦୋଳନ କରାଯିବ ବୋଲି ସୁନ୍ଦରଗଡ଼ ଜିଲ୍ଲା ଦଲକି ପଞ୍ଚାୟତ ର ଲୋକମାନେ ଚେତାବନୀ ଦେଇଛନ୍ତି ।

ରାଞ୍ଚିରୋଡ଼ ରୁ ସଲଙ୍ଗାବାହାଲ ଦେଇ ଯାଇଥିବା ରାସ୍ତାରେ ପ୍ରତିଦିନ ଶହ ଶହ ଭାରିଯାନ ଚଳାଚଳ କରିଥାଏ । ଫଳରେ ଉକ୍ତ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି । ବିଭିନ୍ନ ସମୟରେ ଦୁର୍ଘଟଣା ଘଟୁଥିବା ବେଳେ ପ୍ରବଳ ଧୂଳି ଯୋଗୁଁ ଗ୍ରାମବାସୀ ମାନଙ୍କ ଜୀବନ ଦୁର୍ବିସହ ହୋଇପଡିଛି । ଏ ବାବଦରେ ଜିଲ୍ଲା ପ୍ରଶାସନ ର ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ରାସ୍ତା ମରାମତି କିମ୍ବା ଭାରିଯାନ ଚଳାଚଳ ବନ୍ଦ କରାଯାଇନାହିଁ । ପ୍ରତିବାଦରେ ମଙ୍ଗଳବାର ଦିନ ଦଲକି ପଞ୍ଚାୟତ ର ଶହଶହ ଲୋକ ରାଏବଗା ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ଗ୍ରାମବାସୀ ମାନେ ଉକ୍ତ ପୂର୍ତ୍ତ ବିଭାଗ ରାସ୍ତାରେ ଭାରୀଯାନ ଚଳାଚଳ ବନ୍ଦ କରିବାକୁ ଦାବି କରିଥିଲେ । ୩ ଦିନ ମଧ୍ୟରେ ଉପଯୁକ୍ତ ପଦକ୍ଷେପ ନିଆନଗଲେ ରାସ୍ତା ଅବରୋଧ କରାଯିବ ବୋଲି ଗ୍ରାମବାସୀ ମାନେ ଚେତାବନୀ ଦେଇଛନ୍ତି ।