ସୁନ୍ଦରଗଡ଼ ଜିଲ୍ଳା ଉଜ୍ଜଳପୁର ଫରେଷ୍ଟ ରେଞ୍ଜରେ ୪୦ ଟିକିଆ ହାତୀଦଳ।।ବ୍ୟାପକ ଫସଲ ହାନି।। ଗ୍ରାମବାସୀ ଆତଙ୍କିତ ।

ହାତୀଦଳଙ୍କ ଆତଙ୍କ ରେ ସୁନ୍ଦରଗଡ଼ ଜିଲ୍ଲାବାସୀ ଅତିଷ୍ଠ ହୋଇ ପଡିଲେଣି । ବଣେଇ ଉପଖଣ୍ଡ ଅଞ୍ଚଳରେ ଗୋଠ ଛଡ଼ା ଦନ୍ତାହାତୀ ଙ୍କ ଉପଦ୍ରବ ଜାରି ରହିଥିବା ବେଳେ ଏବେ ସୁନ୍ଦରଗଡ ର ଉଜ୍ଜଳପୁର ଫରେଷ୍ଟ ରେଞ୍ଜ ର କିଞ୍ଜିରୀକେଲା ସେକ୍ସନ ରେ ହାତୀ ଉପଦ୍ରବ ଲୋକଙ୍କ ନିଦ ହଜାଇ ଦେଇଛି ।

ଏହି ଅଞ୍ଚଳ କୁ ୪୦ ଟିକିଆ ହାତୀପଲ୍ଲ ପଶି ଆସି ଡେରା ପକାଇଥିବା ବେଳେ ଧାନ ଫସଲ ନଷ୍ଟ କରୁଛନ୍ତି । ଭୟରେ ଲୋକମାନେ ନିକଟସ୍ଥ ଜଙ୍ଗଲକୁ ମଧ୍ୟ ଯାଉ ନାହାଁନ୍ତି । ହାତୀପଲ୍ଲ ଫସଲ ନଷ୍ଟ କରିବା ଗ୍ରାମରେ ପଶି ଘର ମଧ୍ୟ ଭାଙ୍ଗି ଦେଉଛନ୍ତି । ବନବିଭାଗ କୁ ଖବର ଦେଲେ ମଧ୍ୟ ବିଶେଷ କିଛି ଲାଭ ହେଉନଥିବା ଅଭିଯୋଗ କରିଛନ୍ତି ଗ୍ରାମବାସୀ । ତେବେ ସବୁଠାରୁ ଚିନ୍ତାର ବିଷୟ ହୋଇଛି ଦନ୍ତାହାତୀ ମଧ୍ୟରେ ଲଢେ଼ଇ । ଦୁଇ ଦନ୍ତାଙ୍କ ଲଢେଇରେ ବ୍ୟାପକ ଫସଲ ନଷ୍ଟ ହେବା ସହ ଉକ୍ତ ଅଞ୍ଚଳ ରେ ଆତଙ୍କ ର ବାତାବରଣ ଜାରି ରହିଛି।