ତୈଳଦର ବୃଦ୍ଧି ବିରୁଦ୍ଧରେ ରାଉରକେଲା ରେ ବିଜେଡି ର ପ୍ରତିବାଦ।। ଅତିରିକ୍ତ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ।।

ତୈଳ ଦରରେ ଅହେତୁକ ବୃଦ୍ଧି ଏବଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ରେ ଆକାଶଛୁଆଁ ଦର ବୃଦ୍ଧି ର ପ୍ରତିବାଦରେ ଆଜି ରାଉରକେଲା ରେ ମହିଳା ବିଜୁ ଜନତା ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।

ରାଉରକେଲା ଅତିରିକ୍ତ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ଆୟୋଜିତ ଏହି ପ୍ରତିବାଦ ବିକ୍ଷୋଭରେ ମହିଳା ବିଜେଡି କର୍ମକର୍ତ୍ତା ଙ୍କ ସହ ରାଉରକେଲା ବିଧାୟକ ସାରଦା ପ୍ରସାଦ ନାୟକ ମଧ୍ୟ ଯୋଗଦେଇଥିଲେ । କେନ୍ଦ୍ରରେ ଥିବା ବିଜେପି ସରକାର ଦର ବୃଦ୍ଧି ଲାଗି ଦାୟୀ ବୋଲି ସାରଦା ଆକ୍ଷେପ କରିବା ସହ ଦର ଵୃଦ୍ଧି ବିରୁଦ୍ଧରେ ତୀବ୍ର ଆନ୍ଦୋଳନ କରାଯିବ ବୋଲି ଚେତାବନୀ ଦେଇଥିଲେ। ଏହି ସନ୍ଦର୍ଭରେ ଏକ ସ୍ମାରକପତ୍ର ରାଷ୍ଟ୍ରପତି ରାମନାଥ କୋବିନ୍ଦଙ୍କ ଉଦେଶ୍ୟରେ ରାଜ୍ୟପାଳ ଗଣେଶୀ ଲାଲ ଙ୍କ ମାଧ୍ୟମରେ ଦିଆଯାଇଥିଲା। ଆଜି ରାଉରକେଲା ସମେତ ରାଜ୍ୟର ୧୪୬ ଟି ନିର୍ବାଚନ ମଣ୍ଡଳୀ ରେ ପ୍ରତିବାଦ ବିକ୍ଷୋଭ କରାଯାଉଥିବା ବେଳେ ଆସନ୍ତା ନଭେମ୍ବର ୫ ରୁ ୭ ତାରିଖ ମଧ୍ୟରେ ସମସ୍ତ ପେଟ୍ରୋଲ ପମ୍ପ ସମ୍ମୁଖରେ ଧାରଣା ଦିଆଯିବ ବୋଲି ବିଜେଡି ପକ୍ଷରୁ ସୂଚନା ଦିଆଯାଇଛି ।