ପ୍ରତିଶୃତି ଉପରେ ପ୍ରତିଶୃତି।। କିନ୍ତୁ ଦୂର ହେଉନାହିଁ ବିରମିତ୍ରପୁର ବାସୀଙ୍କ ଜଳକଷ୍ଟ ।

ସୁନ୍ଦରଗଡ ଜିଲ୍ଲାର ବିରମିତ୍ରପୁର ଏକ ସୀମାନ୍ତ ସହର। ଝାରଖଣ୍ଡ-ଓଡିଶା ସୀମାନ୍ତ ରେ ଥିବା ଏହି ସହରରେ ଏବେ ପୋୖର ନିର୍ବାଚନ ହେଉଛି।

ନିର୍ବାଚନରେ ବିଭିନ୍ନ ରାଜନୈତିକ ଦଳ ବହୁ ପ୍ରତିଶୃତି ଦେଉଛନ୍ତି। କିନ୍ତୁ ଏବେବି ବିରମିତ୍ରପୁର ର କେତେକ ଅଞ୍ଚଳରେ ଜଳକଷ୍ଟ ଦୂର ହେଉନାହିଁ। ଏପରି ଏକ ଅଞ୍ଚଳ ହେଉଛି ପାଞ୍ଚ ନମ୍ବର ୱାର୍ଡ। ପାଇପ ଲାଗିଥିଲେ ମଧ୍ୟ ପାଣି ଆସୁନଥିବାର ଅଭିଯୋଗ କରିଛନ୍ତି ୱାର୍ଡ ବାସିନ୍ଦା। ଅଭିଯୋଗ ଅନୁଯାୟୀ ନିର୍ବାଚନ ହେଲେ ସମସ୍ତେ ଆସି ପ୍ରତିଶୃତି ଦେଉଛନ୍ତି , କିନ୍ତୁ ସମସ୍ୟାର ସମାଧାନ ହେଉନାହିଁ। ଫଳରେ ୱାର୍ଡ ବାସୀ ଜଳକଷ୍ଟ ଦୂର ଲାଗି ଟ୍ୟାଙ୍କର ଉପରେ ନିର୍ଭର କରୁଛନ୍ତି। ଗରା , ମାଠିଆ , ଡେକଚି ଆଦି ରଖି ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଛି। ଗ୍ରୀଷ୍ମପ୍ରବାହ ଏପର୍ଯ୍ୟନ୍ତ ଆସିନାହିଁ। କିନ୍ତୁ ବିରମିତ୍ରପୁର ବାସୀ ଏବେ ଠାରୁ ଜଳକଷ୍ଟ ଅନୁଭବ କଲେଣି। ଅପେକ୍ଷା , ପୋୖର ନିର୍ବାଚନ ପରେ ଜଳକଷ୍ଟ ଦୂରଲାଗି ନେତାଙ୍କ ପ୍ରତିଶୃତି ରହୁଛି କି ନାହିଁ।