ରାଜ୍ୟରେ ପୋୖର ନିର୍ବାଚନ ଲାଗି ପ୍ରଚାରର ଶେଷଦିନ ଆଜି।। ବିରମିତ୍ରପୁର ରେ ତିନି ପ୍ରମୁଖ ଦଳଙ୍କ ଶୋଭାଯାତ୍ରା।

ଆସନ୍ତା ୨୪ ତାରିଖରେ ରାଜ୍ୟରେ ହେଉଥିବା ପୋୖର ନିର୍ବାଚନ ଲାଗି ଆଜି ଥିଲା ପ୍ରଚାରର ଶେଷ ଦିନ। ସୁନ୍ଦରଗଡ ଜିଲ୍ଲାରେ ରାଜଗାଙ୍ଗପୁର , ବିରମିତ୍ରପୁର , ସୁନ୍ଦରଗଡ଼ ପୌରପାଳିକା ଲାଗି ନିର୍ବାଚନ ହେଉଥିବା ବେଳେ ରାଉରକେଲା ମହାନଗର ନିଗମ ର ନିର୍ବାଚନ ହେଉନାହିଁ। ଶେଷ ଦିନରେ ତିନି ପ୍ରମୁଖ ରାଜନୈତିକ ଦଳ କଂଗ୍ରେସ , ବିଜେଡି , ବିଜେପି ପ୍ରଚାରକୁ ଜୋରଦାର କରିଥିବା ବେଳେ ସ୍ୱାଧୀନ ପ୍ରାର୍ଥୀ ମାନେ ମଧ୍ୟ ପଛରେ ନାହାନ୍ତି ।

ବିରମିତ୍ରପୁର ପୌରପାଳିକା ଅଧ୍ୟକ୍ଷ ଏବଂ କାଉନସିଲର ନିର୍ବାଚନ ତିନି ପ୍ରମୁଖ ଦଳ ଲାଗି ସମ୍ନାନ ର ପ୍ରଶ୍ନ ହୋଇଛି। ବିଜେପି ର ସାଂସଦ ଜୁଏଲ ଓରାମ ଏବଂ ବିଧାୟକ ଶଙ୍କର ଓରାମ ଙ୍କ ଲାଗି ଦଳର ବିଜୟ ସମ୍ନାନ ର ପ୍ରଶ୍ନ ହୋଇଥିବା ବେଳେ କଂଗ୍ରେସ ନେତା ଜର୍ଜ ତିର୍କୀ ମଧ୍ୟ ତାଙ୍କ ଦଳ ପ୍ରାର୍ଥୀ ଙ୍କ ଲାଗି ଜୋର ଲଗାଇ ଦେଇଛନ୍ତି। ଅନ୍ୟପକ୍ଷରେ ବିଜେଡି ର ମଙ୍ଗ ଧରିଛନ୍ତି ରାଉରକେଲା ବିଧାୟକ ସାରଦା ପ୍ରସାଦ ନାୟକ । ଶେଷ ଦିନରେ ତିନି ପ୍ରମୂଖ ଦଳ ପକ୍ଷରୁ ଶୋଭାଯାତ୍ରା ବାହାର କରାଯାଇ ବିରମିତ୍ରପୁର ସହର ପରିକ୍ରମା କରିଥିଲା। ମୋଟ ଉପରେ ବିରମିତ୍ରପୁର ପୌରାଧକ୍ଷ ନିର୍ବାଚନରେ ଜୁଏଲ , ଶଙ୍କର , ସାରଦା ଏବଂ ଜର୍ଜ ଙ୍କ ସମ୍ନାନର ବାଜି ଲାଗିଛି।