ରାଉରକେଲା ବନଖଣ୍ଡ ପକ୍ଷରୁ ବିଶ୍ୱ ଜଙ୍ଗଲ ଦିବସ ଅବସରରେ ବିଭିନ୍ନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ।।

0 362

ରାଉରକେଲା ବନଖଣ୍ଡ ପକ୍ଷରୁ ବିଶ୍ୱ ବନ ଦିବସ ଆଜି ପାଳିତ ହୋଇଯାଇଛି । ଏହି ଉପଲକ୍ଷେ ଆଜି ସକାଳେ ବିଶ୍ରା ଛକଠାରେ ଆୟୋଜିତ ଏକ ସାଧାରଣ ସଭାରେ ରାଉରକେଲା ବିଧାୟକ ତଥା ପୂର୍ବତନ ମନ୍ତ୍ରୀ ସାରଦା ପ୍ରସାଦ ନାୟକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେ ତାଙ୍କ ବକ୍ତବ୍ୟ ପ୍ରସଙ୍ଗରେ କହିଲେ ଯେ, ଜଙ୍ଗଲର ସୁରକ୍ଷା ଦ୍ୱାରା ଆମର ପ୍ରାକୃତିକ ପରିବେଶ ଓ ଜୀବଜଗତ ସୁରକ୍ଷିତ ରହିପାରିବ ।

ଜଙ୍ଗଲରେ ନିଆଁ ନ ଲଗାଇବାକୁ ସେ ପରାମର୍ଶ ଦେବାସହ ଜଙ୍ଗଲ ନିଆଁର ନିବାରଣ କରିବା ପାଇଁ ଆହ୍ୱାନ ଦେଇଥିଲେ । ପ୍ରାରମ୍ଭରେ ରାଉରକେଲା ଡିଏଫ୍‌ଓ ଯସବନ୍ତ ସେଠୀ ସ୍ୱାଗତ ଭାଷଣ ପ୍ରଦାନ ସହ ଡିଭିଜନ ପକ୍ଷରୁ ଜଙ୍ଗଲ ନିଆଁ ନିବାରଣ ଓ ଜଙ୍ଗଲ ସୁରକ୍ଷା ସମ୍ପର୍କରେ ଗ୍ରହଣ କରାଯାଇଥିବା ବିଭିନ୍ନ କାର୍ଯ୍ୟକ୍ରମ ବିଷୟରେ ସୂଚନା ପ୍ରଦାନ କରିଥିଲେ । ଏସିଏଫ୍ ସୌମ୍ୟରଞ୍ଜନ ଗୋଚ୍ଛାୟତ କାର୍ଯ୍ୟକ୍ରମର ସଂଯୋଜନା କରିଥିଲେ । ଏହି ଅବସରରେ ୱାଏମଏଫଆଇର ସାଧାରଣ ସମ୍ପାଦକ ବିବେକାନନ୍ଦ ଦାସଙ୍କ ଲିଖିତ ଓ ନିର୍ଦ୍ଦେଶିତ ଜଙ୍ଗଲ ନିଆଁ ନିବାରଣ ସମ୍ପର୍କିତ ଏକ ସଚେତନତାଧର୍ମୀ ପଥପ୍ରାନ୍ତ ନାଟକ ପ୍ରଦର୍ଶିତ ହୋଇଥିଲା । ଏଥିରେ ବାପି ପଲାଇ, ବିଷ୍ଣୁପ୍ରିୟା, ଐଶ୍ୱର୍ଯ୍ୟା ପ୍ରମୁଖ ଅଭିନୟ କରି ଜଙ୍ଗଲ ସୁରକ୍ଷାର ବା ର୍ା ପ୍ରଦାନ କରିଥିଲେ ।

ଏହାପରେ ବନଖଣ୍ଡ ପକ୍ଷରୁ ଆୟୋଜିତ ସଚେତନତା ର‌୍ୟାଲିକୁ ମୁଖ୍ୟ ଅତିଥି ସାରଦା ପ୍ରସାଦ ନାୟକଙ୍କ ସମେତ ଅନ୍ୟ ଅତିଥି ଡିଏଫଓ ଯସବନ୍ତ ସେଠୀ, ଏସିଏଫ୍ ସଲବିନ୍ଦର ସିଂହ, ଏସିଏଫ୍ ସୌମ୍ୟରଞ୍ଜନ ଗୋଚ୍ଛାୟତ, କୁମାର ବେହେରା, ଚନ୍ଦ୍ରଶେଖର ଶତପଥୀ ପ୍ରମୁଖ ସବୁଜ ପତକା ଦେଖାଇ ଶୁଭାରମ୍ଭ କରିଥିଲେ । ଏହି ର‌୍ୟାଲିରେ ରାଉରକେଲା ବନଖଣ୍ଡ ଅନ୍ତର୍ଗତ ୬ଟି ରେଞ୍ଜର ସମସ୍ତ ରେଞ୍ଜ ଅଫିସର,ଡେପୁଟି ରେଞ୍ଜର, ଫରେଷ୍ଟର, ଷ୍ଟାଫ୍‌, ଫରେଷ୍ଟ ଗାର୍ଡ ଓ ସ୍କ୍ୱାଡ୍ ଏବଂ ବିଭିନ୍ନ ସ୍କୁଲର ଛାତ୍ରଛାତ୍ରୀମାନେ ସାମିଲ୍ ହୋଇଥିଲେ । ସେମାନେ ଜଙ୍ଗଲ ସୁରକ୍ଷା ସମ୍ପର୍କିତ ବିଭିନ୍ନ ସ୍ଲୋଗାନ ପ୍ରଦାନ ସହ ବ୍ୟାନର, ପୋଷ୍ଟର ପ୍ରଭୃତି ପ୍ରଦର୍ଶନ ପୂର୍ବକ ର‌୍ୟାଲିରେ ଯାଇଥିଲେ । ର‌୍ୟାଲିଟି ବିଶ୍ରା ଛକରୁ ବାହାରି ଉଦିତନଗର ଆରଏମସି ଛକ, ଆମ୍ବେଦକର ଛକ, ଏସଟିଆଇ, ପାନପୋଷ ହୋଇ ବନଖଣ୍ଡ କାର୍ଯ୍ୟାଳୟକୁ ଯାଇଥିଲେ ।ର‌୍ୟାଲିରେ ସାମିଲ ଛାତ୍ରଛାତ୍ରୀମାନେ ଟ୍ରାଫିକ୍ ଗେଟ୍‌, ମଧୁସୂଦନ ଛକ, ଷ୍ଟେସନ୍ ଛକ ହୋଇ ପୁଣି ବିଶ୍ରା ଛକକୁ ପ୍ରତ୍ୟାବ ର୍ନ କରିଥିଲେ । ୱାଇଏମଏଫଆଇର କଳାକାରମାନେ ବିଶ୍ରା ଛକ ସଭାସ୍ଥଳ ସମେତ ଉଦିତନଗର ଆମ୍ବେଦକର ଛକ, ଏସଟିଆଇ ଓ ପାନପୋଷ ଛକଠାରେ ଅନୁରୂପ ପଥପ୍ରାନ୍ତ ନାଟକ ପ୍ରଦର୍ଶନ ପୂର୍ବକ ଲୋକଙ୍କୁ ସଚେତନ କରାଇଥିଲେ । ବିଭିନ୍ନ ସ୍ଥାନରେ ଲୋକେ ବନ ବିଭାଗର ସଚେତନତା କାର୍ଯ୍ୟକ୍ରମ କୁ ସ୍ବାଗତ କରିଥିଲେ ।

Leave A Reply

Your email address will not be published.