ବିପୁଳ ପରିମାଣର ନକଲି ବିଦେଶୀ ମଦ ଜବତ।। ଜବତ କଲେ ରାଉରକେଲା ଅବକାରୀ ବିଭାଗ।

ରାଉରକେଲା ତଥା ଆଖପାଖ ଅଞ୍ଚଳରେ ରେ ଡୁପ୍ଲିକେଟ ତଥା ବିଷାକ୍ତ ମଦ କାରବାର ଥମିବାର ନାଁ ନେଉନାହିଁ। ନିୟମିତ ବ୍ୟବଧାନରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ନକଲି ମଦ ଜବତ କରାଯାଉଛି।

ତଥାପି ଅନ୍ତର୍ରାଜ୍ୟ ମଦ ମାଫିଆ ମାନେ ରାଉରକେଲା ଏବଂ ଆଖପାଖ ଅଞ୍ଚଳରେ ସେମାନଙ୍କ କାରବାର ଜାରୀ ରଖିଛନ୍ତି। ହୋଲି ଦିନ ଅବକାରୀ ବିଭାଗ ପକ୍ଷରୁ ରାଉରକେଲା ଚାରି ନମ୍ବର ସେକ୍ଟର ଆଇ ବି ନିକଟରେ ଥିବା ଏକ ବସ୍ତିରୁ ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଛନ୍ତି । ଏହା ସହ ନାମିଦାମୀ ବିଦେଶୀ ମଦ କମ୍ପାନୀର ଲେବଲ ଆଦି ଜବତ କରାଯାଇଛି। ଜବତ ମଦ ର ଆନୁମାନିକ ମୂଲ୍ୟ ୨ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ପ୍ରାଥମିକ ଆକଳନ ରୁ ଜଣାପଡିଛି। ଅବକାରୀ ବିଭାଗ ପକ୍ଷରୁ ଅଧିକ ତଦନ୍ତ ଜାରି ରହିଛି।