ରାଉରକେଲା ସମେତ ସୁନ୍ଦରଗଡ଼ ଜିଲ୍ଲାରେ ୧୨ରୁ ୧୪ବର୍ଷ ପିଲାଙ୍କ ଲାଗି ଟୀକାକରଣ ଆରମ୍ଭ।।

ଜାତୀୟ ଟୀକାକରଣ ଦିବସ ପରିପ୍ରେକ୍ଷୀରେ ଆଜିଠାରୁ ରାଉରକେଲା ସମେତ ସମଗ୍ର ସୁନ୍ଦରଗଡ଼ ଜିଲ୍ଲାରେ ୧୨ ରୁ ୧୪ ବର୍ଷର ପିଲା ମାନଙ୍କ ଲାଗି କୋଭିଡ ଟୀକାକରଣ ଆରମ୍ଭ ହୋଇଛି। ପିଲା ମାନଙ୍କୁ ନୂଆ ଟୀକା କୋର୍ବେଭାକ୍ସ ଦିଆଯାଉଛି।

ଜିଲ୍ଲାରେ ଟୀକା ନେବାକୁ ୭୫ ହଜାର ରୁ ଉର୍ଦ୍ଧ୍ବ ୧୨ ରୁ ୧୪ ବର୍ଷ ହିତାଧିକାରୀ ଥିବା ବେଳେ ରାଜ୍ୟ ସରକାରଙ୍କ ତରଫରୁ ଜିଲ୍ଲାକୁ ୫୨ ହଜାର ଟୀକା ଆସି ପହଁଚିଛି। ତନ୍ମଧ୍ୟରୁ ରାଉରକେଲା କୁ ୧୦ ହଜାର ଟୀକା ପଠାଯାଇଛି।ପ୍ରଥମ ଦିନରେ ଜିଲ୍ଲା ମୁଖ୍ୟାଳୟ ରେ ଟୀକାକରଣ ହେଉଥିବା ବେଳେ ୧୭ ମାର୍ଚ୍ଚ ରୁ ବ୍ଲକ ଏରିଆ ରେ ଟୀକାକରଣ ହେବ ବୋଲି ଜିଲ୍ଲା ମୁଖ୍ୟ ଚିକିତ୍ସାଧିକାରୀ କହିଛନ୍ତି। ଏବେ ଅନ ଲାଇନ ରେ ଟୀକା ରେଜିଷ୍ଟ୍ରେସନ ନହୋଇ ଅନ ସାଇଟ ଟୀକା କରଣ ହେଉଛି।ରାଉରକେଲା ରେ ପ୍ରଥମ ଦିନରେ ଗୋଟିଏ ସ୍କୁଲ ରେ ଟୀକାକରଣ ହେଉଥିବା ବେଳେ ଆସନ୍ତାକାଲି ଠାରୁ ଏହାକୁ ସମ୍ପ୍ରସାରିତ କରାଯିବା ନେଇ ସୂଚନା ମିଳିଛି।