ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୪୭ ହଜାର ପରେ।। ଓଡ଼ିଶାରେ ସଂକ୍ରମଣ ୧୦ ହଜାର ତଳେ ।। ସଂକ୍ରମଣରେ ଭୁବନେଶ୍ୱର ପ୍ରଥମ , ସୁନ୍ଦରଗଡ଼ ଦୂତୀୟ ସ୍ଥାନରେ ରହିଛି।

ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଥିବା ବେଳେ କେରଳ ଏବଂ କର୍ଣ୍ଣାଟକ ରାଜ୍ୟରେ ସ୍ଥିତି ଚିନ୍ତାଜନକ ରହିଛି। ମୁମ୍ବାଇ ଏବଂ ଦିଲ୍ଲୀରେ କୋଭିଡ ସଂକ୍ରମଣ ଖସୁଥିବା

ବେଳେ ଏହି ଦୁଇ ରାଜ୍ୟରେ ସଂକ୍ରମଣ ରେ ଦ୍ରୁତ ବୃଦ୍ଧି ଚିନ୍ତା ବଢ଼ାଇ ଦେଇଛି । ଆଜି ଦେଶରେ କୋଭିଡ ସଂକ୍ରମଣ ସଂଖ୍ୟା ୩ ଲକ୍ଷ ୪୭ ହଜାର ପାର କରିଯାଇଛି । ସେହିପରି ଓଡିଶା ସଂକ୍ରମଣରେ ଦେଶରେ ଟପ ୧୦ ଟି ରାଜ୍ୟ ମଧ୍ୟରେ ରହିଛି । ଆଜି ରାଜ୍ୟରେ ୯ ହଜାର ୮୩୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ ୧୮ ବର୍ଷରୁ କମ୍ ବର୍ଗର ୯୭୨ ଜଣ ଚିହ୍ନଟ ହୋଇଛନ୍ତି। ଖୋର୍ଦ୍ଧା ଜିଲ୍ଲା ସଂକ୍ରମଣ ରେ ପ୍ରଥମ ସ୍ଥାନରେ ଥିବା ବେଳେ ସୁନ୍ଦରଗଡ଼ ଜିଲ୍ଲା ଦୂତୀୟ ସ୍ଥାନରେ ରହିଛି । ସୁନ୍ଦରଗଡ଼ ଜିଲ୍ଲାରେ ୨୦ ଜାନୁଆରୀ ରିପୋର୍ଟ ଅନୁଯାୟୀ ସଂକ୍ରମଣ ସଂଖ୍ୟା ୧୧୩୪ ରହିଥିବା ବେଳେ ଖୋର୍ଦ୍ଧା ଜିଲ୍ଲା ରେ ୨୯୪୬ ରହିଛି। ତେବେ ରାଜ୍ୟରେ ବହୁ ସଂଖ୍ୟକ ସ୍ୱାସ୍ଥ୍ୟକର୍ମୀ କରୋନା ଆକ୍ରାନ୍ତ ହେଉଥିବାରୁ ସ୍ୱାସ୍ଥ୍ୟ ସେବାରେ ଅସୁବିଧା ସୃଷ୍ଟି ହେବାର ଆଶଙ୍କା ରହିଛି। କେବଳ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ୧୩୦ ଜଣ ସ୍ୱାସ୍ଥ୍ୟକର୍ମୀ କୋଭିଡରେ ଆକ୍ରାନ୍ତ ହୋଇଥିବାର ସୂଚନା ମିଳିଛି ।