ବଣାଇ : ୩୦ ଲକ୍ଷ ଟଙ୍କା ମୂଲ୍ୟର ବେଆଇନ୍ ଗଞ୍ଜେଇ ଗଛ ପୋଡ଼ି ନଷ୍ଟ କଲେ ପୋଲିସ୍।। ବନ ବିଭାଗ , ଅବକାରୀ ବିଭାଗ , ପୋଲିସ୍ ର ମିଳିତ ଚଢାଉ।

0 163

ବଣାଇ:୨୬/୧୧(ସତ୍ୟାନ୍ୟୁଜ) ବଣାଇ ପୋଲିସ୍ କୁ ମିଳିଛି ବଡ ସଫଳତା। ୩୦ ଲକ୍ଷ ଟଙ୍କାର ଗଞ୍ଜେଇ ଗଛକୁ ନଷ୍ଟ କଲେ ପୋଲିସ୍ , ଅବକାରୀ ଏବଂ ବନ ବିଭାଗ ଅଧିକାରୀ। ବଣାଇ ଉପଖଣ୍ଡ ରେ ଚାଲିଥିଲା ବେଧଡକ୍ ଗଞ୍ଜେଇ ଚାଷ। ଟିକାୟତ ପାଲି ଏବଂ ଗୁରୁଣ୍ଡିଆ ଥାନା ଅଞ୍ଚଳରେ ଜଙ୍ଗଲ ଭିତରେ ଗଞ୍ଜେଇ ଚାଷ କରାଯାଇ ବାହାରକୁ ଚାଲାଣ କରା ଯାଉଥିଲା। ସୂଚନା ମିଳିବା ପରେ ବଣାଇ ଏସଡିପିଓ ରାମ ଚନ୍ଦ୍ର ବିଶ୍ୱାଳ ଚଢାଉ ପାଇଁ ଏକ ଟିମ ଗଠନ କରି ଥିଲେ। ୪ ଟି ଥାନା ର
ଆଇଆଇସି, ଡିଭିଏଫ୍, ଏପିଆର୍ ଫୋର୍ସ, ଅବକାରୀ ବିଭଗ, ବନବିଭାଗ ବେଆଇନ୍ ଗଞ୍ଜେଇ ଚାଷ ସ୍ଥଳରେ ମିଳିତ ଚଢାଉ କରିଥିଲେ। ଗୁରୁଣ୍ଡିଆ ଥାନା ର ଜରଡା ଅଞ୍ଚଳର କେଲ ଜଙ୍ଗଲ ରେ ଚଢ଼ାଉ କରାଯାଇ ପ୍ରାୟ ୩ ଏକର ଜମିରେ ଚାଷ ହୋଇ ଥିବା ଗଂଜେଇ ଗଛ ଗୁଡ଼ିକୁ ନଷ୍ଟ କରି ଦେଇଥିଲେ। ପରେ ମାଜିଷ୍ଟ୍ରେଟ ଙ୍କ ଉପସ୍ଥିତିରେ ପ୍ରାୟ ୩୦ ଲକ୍ଷ ଟଙ୍କାର ଗଞ୍ଜେଇ ଗଛ କୁ ପୋଡି ନଷ୍ଟ କରି ଦିଆ ଯାଇଥିଲା। ଆଗକୁ ଏପରି ଚଢ଼ାଉ ଜାରି ରହିବ ବୋଲି ବଣାଇ
ଏସଡିପିଓ କହିଛନ୍ତି।

Leave A Reply

Your email address will not be published.