ରାଉରକେଲା : ରାସ୍ତା କଡ଼ରେ ଲୋକଙ୍କ ଉପରେ ମାଡ଼ି ଗଲାସ୍କ୍ରୋପିଓ।। ଜଣେ ମୃତ ୪ ଗୁରୁତର।
ରାଉରକେଲା: ୨୫/୧୧
(ସତ୍ୟାନ୍ୟୁଜ) ଜଲଦା ଫାଣ୍ଡି ଅନ୍ତର୍ଗତ ଜଲଦା ‘ସି’ ବ୍ଲକ୍ ଛକ ନିକଟରେ ସିରିଜ୍ ଦୁର୍ଘଟଣାରେ ଜଣେ ମୃତ ୪ ଗୁରୁତର। ଦ୍ରୁତଗାମୀ ସ୍କ୍ରୋପିଓ ରାସ୍ତାରେ ଯାଉଥିବା ଲୋକଙ୍କ ଉପରେ ଚଢ଼ି ଯାଇଥିବା ବେଳେ ୨ ଟି ବାଇକ୍ ସମେତ ଗୋଟିଏ କାର କୁ ଧକ୍କା ଦେଇଥିଲା। ସ୍କର୍ପିଓ ଧକାରେ ଜଣେ ମହିଳାଙ୍କ ମୃତ୍ୟୁ ହୋଇଯାଇଛି। ସେ ହେଉଛନ୍ତି ଜଲଦା ‘ସି’ ବ୍ଲକ୍ର ସୁନିତା ମୁଣ୍ଡାରୀ(୫୨)। ଅନ୍ୟ ଚାରିଜଣ ଗୁରୁତର ଅଛନ୍ତି। ୩ ଜଣଙ୍କୁ ଜେପି ହସ୍ପିଟାଲ୍ ସ୍ଥାନାନ୍ତର କରା ଯାଇଛି। ଲାଠିକଟାରୁ ଜଲଦା ଆସୁଥିବା ଓଡି ୦୨ ଜେଡ୍ ୧୧୫୫ ନମ୍ବର ସ୍କର୍ପିଓ ଭାରସାମ୍ୟ ହରାଇ ଏକ ହୋଣ୍ଡା ସାଇନ୍ ବାଇକ୍, ବୁଲେଟ୍, ଛିଡ଼ା ହୋଇଥିବା ଏକ ମାରୁତି ୱାଗନର, ବସ୍ ପାଇଁ ଅପେକ୍ଷା କରିଥିବା ଯାତ୍ରୀଙ୍କୁ ଧକା ଦେଇଥିଲା। ଘଟଣାସ୍ଥଳରେ ସୁନିତାଙ୍କର ମୃତ୍ୟୁ ହୋଇ ଯାଇଥିଲା। ଅନ୍ୟ ୪ ଜଣ ଗୁରୁତର ହୋଇଥିଲେ। ଜଲଦା ଫାଣ୍ଡି ପୁଲିସ ଗୁରୁତରଙ୍କୁ ଉଦ୍ଧାରକରି ସରକାରୀ ଡାକ୍ତରଖାନାରେ ଚିକିତ୍ସା ପାଇଁ ପଠାଇ ଥିଲେ। ଦୁର୍ଘଟଣା ପରେ କିଛିସମୟ ଧରି ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା। ପୁଲିସ ହସ୍ତକ୍ଷେପ ପରେ ପରିସ୍ଥିତି ଶାନ୍ତ ପଡ଼ିଥିଲା।