ରାଉରକେଲା : ଗେଟ୍ ରେ ତାଲା ପକାଇ ଆନ୍ଦୋଳନ କରୁଛନ୍ତି ଆୟୁଷ ଛାତ୍ର ଛାତ୍ରୀ।। ଓପିଏସସି ରେ ଆୟୁଷ ଡାକ୍ତର ପଦବୀ , ଷ୍ଟାଇପେଣ୍ଡ ଏବଂ ପିଜି ସିଟ୍ ବୃଦ୍ଧି ଦାବି।

ରାଉରକେଲା : ୨୪/୧୧
(ସତ୍ୟାନ୍ୟୁଜ) କଲେଜ୍ ଗେଟ୍ ରେ ପଡିଛି ତାଲା। ଭିତରେ ବସି ଛନ୍ତି ଆନ୍ଦୋଳନ ରତ ଛାତ୍ରଛାତ୍ରୀ। ହାତରେ ପ୍ଲାକାର୍ଡ ଧରି ଦେଉଛନ୍ତି ସ୍ଲୋଗାନ। ଏମାନେ ସମସ୍ତେ ଡ଼ାକ୍ତରୀ ଛାତ୍ର। ରାଉରକେଲା ଉତ୍କଳମଣି ହୋମିଓପାଥି କଲେଜ୍ ର ଛାତ୍ର ଛାତ୍ରୀ ମାନେ କେତେକ ଦାବି ପୂରଣ ନେଇ ଗେଟ୍ ରେ ତାଲା ପକାଇବା ପରେ ଅନିର୍ଦ୍ଦିଷ୍ଟ କାଳ ପାଇଁ ଆନ୍ଦୋଳନ ଆରମ୍ଭ କରିଛନ୍ତି। ଦାବୀ ହେଲା ଅଧିକ ଡାକ୍ତରୀ ପଦବୀ ସୃଷ୍ଟି , ପିଜି ସିଟ୍ ଏବଂ
ଷ୍ଟାଇପେଣ୍ଡ ରେ ବୃଦ୍ଧି। କେବଳ ରାଉରକେଲା ନୁହେଁ ରାଜ୍ୟରେ ଥିବା ୭ ଟି ଆୟୁଷ କଲେଜ୍ ର ଛାତ୍ରଛାତ୍ରୀ ମାନେ ଆନ୍ଦୋଳନ କୁ ଓଲ୍ଲାହିଛନ୍ତି। ଦୀର୍ଘ ୧୯ ଦିନ ଧରି କଳା ବ୍ୟାଚ୍ ପିନ୍ଧି ନିଜ ଦାବି ଉପସ୍ଥାପନ କରିଥିଲେ ଛାତ୍ର ଛାତ୍ରୀ। ମାତ୍ର ସରକାର ଏଥିପ୍ରତି କର୍ଣ୍ଣପାତ ନକରିବାରୁ ଆଜି ଆନ୍ଦୋଳନ ସ୍ଥିତି ଉପୁଜି ଥିବା କହିଛନ୍ତି ଛାତ୍ରଛାତ୍ରୀ।